قومی سلیکشن کمیٹی نےجنوبی افریقہ کیخلاف پاکستان ٹیم کااعلان کردیا

قومی سلیکشن کمیٹی نے جنوبی افریقہ سیریز کے لیےشان مسعودکی قیادت میں 18 رکنی ا سکواڈ کا اعلان کر دیا۔
پاکستان اور جنوبی افریقہ کے درمیان پہلا ٹیسٹ میچ 12 سے 16 اکتوبر کو لاہور کے قذافی سٹیڈیم میں کھیلا جائے گا۔جبکہ دوسرا ٹیسٹ میچ 20 سے 24 اکتوبر راولپنڈی میں کھیلا جائے گا۔کیمپ 30 ستمبر سے 8 اکتوبر تک لاہور میں جاری رہے گا۔پہلے ٹیسٹ سے قبل اسکواڈ مزید مختصر کیا جائے گا۔
شان مسعود ٹیم کی قیادت جاری رکھیں گے۔آصف آفریدی، فیصل اکرم اور روحیل نذیرا سکواڈ کا حصہ ہیں جبکہ ایشیا کپ کھیلنے والے کھلاڑی 4 اکتوبر کو اسکواڈ کو جوائن کریں گے۔اسکواڈ میں بابر اعظم، محمد رضوان اور شاہین شاہ آفریدی بھی شامل ہیں۔
عبداللہ شفیق، امام الحق ، سلمان علی آغا اور سعود شکیل سکواڈ کا حصہ ہیں،عامر جمال، کامران غلام ،حسن علی اور خرم شہزاد بھی ٹیم میں شامل اور نعمان علی، ساجد خان اورابرار احمد بھی ٹیم شامل ہیں۔