لانگ مارچ توڑپھوڑکیس:عمران خان ودیگربری

لانگ مارچ توڑپھوڑ کیس میں بانی تحریک انصاف عمران خان ،شیخ رشیدسمیت دیگرکوبری کردیاگیا۔
ڈسٹرکٹ اینڈسیشن کورٹ اسلام آبادمیں لانگ مارچ توڑپھوڑکیس میں بانی تحریک انصاف عمران خان،شیخ رشیداوراسدقیصرسمیت دیگرکےخلاف کیس کی سماعت جوڈیشل مجسٹریٹ یاسر محمود نےکی، جس میں اسدقیصراورشیخ رشیدعدالت میں پیش ہوئے۔
عدالت نےاسدقیصرودیگرکی درخواست بریت پردلائل مکمل ہونےکےبعدفیصلہ محفوظ کیا۔
بعدازاں ڈسٹرکٹ اینڈ سیشن کورٹ اسلام آباد نے بانی پی ٹی آئی عمران خان، اسد قیصر، سیف اللہ نیازی، شیخ رشید، صداقت عباسی، فیصل جاوید اور علی نواز کو کیس سے بری کردیا۔
یاد رہے کہ بانی پی ٹی آئی عمران خان، شیخ رشید، اسد قیصر و دیگر کے خلاف 20 اگست 2022 کو تھانہ آبپارہ میں لانگ مارچ کے دوران توڑ پھوڑ کا مقدمہ درج کیا گیا تھا۔