لاہورجلسہ:وزیراعلیٰ علی امین گنڈاپورنےاہم ہدایت کردی

لاہورمیں جلسہ کےلئے وزیراعلیٰ خیبرپختونخواعلی امین گنڈاپورنےاہم ہدایت کردی۔
لاہورمیں تحریک انصاف کا21ستمبرکوجلسہ ہےجس میں شرکت کرنےکےلئے پی ٹی آئی کی طرف سےحکمت عملی تیارکی جارہی ہے۔
لاہورمیں جلسےکےحوالےسےوزیراعلیٰ خیبرپختونخواعلی امین گنڈاپورکی زیر صدارت اہم اجلاس منعقدہوا،جس میں پی ٹی آئی کے پارلیمنٹرینز اور رہنماؤں نےبھرپورشرکت کی۔
ذرائع کاکہناہےکہ وزیراعلیٰ خیبرپختونخواعلی امین گنڈاپورنےہدایت جاری کی کےہرحلقےسے500کارکن لےکرآئیں،تمام قافلےصوابی میں جمع ہوں گے جبکہ مرکزی قافلےکی قیادت علی امین خودکریں گے۔
ذرائع کے مطابق وزیراعلیٰ کے پی کے ہر صورت جلسہ گاہ پہنچنے کے بھی احکامات ہیں۔وزیراعلیٰ گنڈاپور نے آنسو گیس، لاٹھی چارچ سے بچاؤ کا سامان بھی ساتھ رکھنے پر زور دیا ہے۔
ذرائع کا کہنا ہے کہ اجلاس میں فیصلہ کیا گیا ہے کہ رکاوٹیں دور کرنے کے لیے ہیوی مشینری کا استعمال کیا جائے گا۔
ذرائع کے مطابق اجلاس میں فیصلہ کیا گیا کہ جلسے میں شرکت کر نےوالےکارکنوں کوخوراک مہیاکرنےکی ذمہ داری متعلقہ اراکین کی ہوگی۔جبکہ تمام وزراء اور اراکین اسمبلی ویڈیو بیانات بھی جاری کریں گے۔خیبر پختونخوا سے 30 ہزار سے زیادہ کارکنان کی جلسہ میں شرکت کی کوشش کی جائے گی۔
جلسے کیلئے 21 تاریخ کو خیبر پختونخوا سے قافلے پنجاب کی طرف روانہ ہوں گے۔