لاہورشہراورگردونواح میں موسلادھاربارش،جل تھل ایک ہوگیا

صوبائی دارالحکومت لاہوراورگردونواح میں موسلادھاربارش سےجل تھل ایک ہوگیا،نشیبی علاقےزیرآب آگئے۔پانی گھروں میں داخل ہونےسےشہریوں کومشکلات کاسامنا۔
شہرمیں اعلیٰ الصبح شروع ہونےوالی بارش سےجل تھل ایک ہوگیا،بارش سےنشیبی علاقےزیرآب آنے سےدفاترکوجانےوالے لوگوں کی گاڑیاں اوربائیکس سڑکوں پربندہوگئیں جس کےباعث شہریوں کوشدید مشکلات کاسامناکرناپڑا۔
شہرکےکئی علاقوں میں موسلادھاربارش سےموسم خوشگوارہوگیاجبکہ بادل برسنےسےحبس کی شدت میں بھی کمی ہوگئی۔ مغلپورہ،فتح گڑھ،تاجپورہ،کینال بینک،کینٹ، مال روڈ،جیل روڈ، اورہربنس پورہ میں بادل برسے جبکہ گارڈن ٹاؤن، گلبرگ،فردوس مارکیٹ،کلمہ چوک اور فالکن سوسائٹی میں بارش ہوئی اُدھر گڑھی شاہو،قذافی سٹیڈیم ،فیروزپورروڈ، کینال روڈ،ٹاؤن شپ اورلکشمی چوک میں بھی بادل جم کربرسے۔
وحدت،روڈ،علامہ اقبال ٹاؤن،ماڈل ٹاؤن،مسلم ٹاؤن، ٹھوکرنیازبیگ، ساندہ، مزنگ، اسلام پورہ،چوبرجی، ملتان روڈاورواپڈٹاؤن میں بھی موسلادھاربارش ہوئی۔
ایم ڈی واساغفران احمدبارش کےساتھ ہی فیلڈمیں متحرک ہوگئےاورنکاسی آب کامعائنہ کیا،اُنہوں نےگلبرگ اور کلمہ چوک انڈرپاس ڈسپوزل سٹیشن کادورہ کیا۔
ایم ڈی واسانےہدایت کی کےتمام ڈسپوزل سٹیشنزکوفل کپیسٹی پرچلائےجائے ۔جبکہ اُنہوں نےتمام شاہراہوں اورانڈرپاسزکوکلیئررکھنےکی ہدایت بھی کی۔ایم ڈی واسانےنکاسی آب آپریشن کومزیدتیزکرنےکی ہدایت کی۔
لاہورشہرمیں سب سےزیادہ بارش لکشمی چوک میں100ملی میٹرریکاڈرکی گئی جبکہ نشترٹاؤن میں70ملی میٹراورچوک ناخدامیں 30ملی میٹربارش ریکارڈکی گئی۔ شہربھرمیں اب تک ایوریج بارش41.1ملی میٹرریکارڈکی گئی ہے۔
پنجاب کےدیگرشہروں میں بھی بادل برسےکامونکی اورقصورمیں موسلادھاربارش ہونےسےگرمی کازورٹوٹ گیااورموسم خوشگوارہوگیا۔ چونیاں،چھانگامانگا اور گردونواح میں تیزبارش ہونےسےکئی علاقوں میں بجلی کانظام معطل ہونے سے شہریوں کومشکلات کاسامناکرناپڑا۔
اُدھرسیون شریف اورگردونواح میں موسلادھاربارش ہونےسےمتعددفیدرٹرپ کرگئے۔شر قپورشہر اور گردونواح میں بارش ہونےسےگرمی کازور ٹوٹ گیااورموسم خوشگوارہوگیا۔حافظ آباد،پھول نگر اور بصیرپورمیں بارش ہوئی۔