لاہورکےمختلف علاقوں میں بارش سےجل تھل ایک ہوگیا،جاتی سردی لوٹ آئی

صوبائی دارالحکومت لاہورشہرکےمختلف علاقوں میں بارش سےجل تھل ایک ہوگیا نشیبی علاقےزیرآب آگئے،جاتی سردی لوٹ آئی۔

محکمہ موسمیات کےمطابق صوبائی دارالحکومت لاہورمیں گزشتہ شام سےشروع ہونےوالی بارش کاسلسلہ وقفےوقفےسےجاری ہے،بارش ہونےسےشہرکاموسم خوشگوارہوگیا،ملتان روڈاورچوبرجی چوک کے اطراف میں بارش ہوئی جبکہ ساندہ،سمن آباداورچوک یتیم خانہ کےاطراف میں بادلوں نےرنگ جمایا۔

موسم کاحال بتانےوالوں کاکہناہےکہ تاجپورہ،مغلپورہ،ہربنس پورہ،باغبانپورہ،جوہرٹاؤن،ٹاؤن شپ،کلمہ چوک کےاطراف میں بارش ہوئی،جبکہ جیل روڈ،کینال روڈ اورمال روڈپربھی بادل برسیں۔گڑھی شاہو ،دھرمپورہ،شملہ پہاڑی،مزنگ ،اچھرہ،وحدت روڈ،ایوبیہ مارکیٹ،مناواں اورصدرمیں بھی بارش ہوئی۔