لبنان میں ہونیوالےسائبرحملوں میں امریکاملوث نہیں،ترجمان وائٹ ہاؤس

ترجمان وائٹ ہاؤس جان کربی نےکہاہےکہ لبنان میں ہونےوالےسائبرحملوں میں امریکاملوث نہیں، اب بھی سمجھتے ہیں لبنان کے ساتھ مسئلہ سفارتی کوششوں سے حل ہو گا، مشرق وسطیٰ بحران کا حل مزید فوجی آپریشن میں نہیں ہے۔
غیر ملکی میڈیا رپورٹس کے مطابق ترجمان وائٹ ہاؤس کا پریس بریفنگ میں کہنا تھاکہ لبنان دھماکوں کے بعد مشرق وسطیٰ میں کشیدگی میں اضافے پر خبردار کرتے ہوئے کہا کہ مشرق وسطیٰ میں کشیدگی نہیں چاہتے، نیا محاذ کھلنے سے روکنے کے لیے پیچیدہ سفارتی عمل سے گزر رہے ہیں۔
جان کربی کامزیدکہناتھاکہ لبنان میں ہونے والے سائبر حملوں میں امریکا ملوث نہیں، اب بھی سمجھتے ہیں لبنان کے ساتھ مسئلہ سفارتی کوششوں سے حل ہو گا، مشرق وسطیٰ بحران کا حل مزید فوجی آپریشن میں نہیں ہے۔ سائبر حملوں کا جنگ بندی مذاکرات پر کیا اثر ہو گا ابھی کچھ کہنا قبل از وقت ہے۔
یاد رہے کہ لبنان میں چھوٹی مواصلاتی ڈیوائسز پیجر پھٹنے سے اب تک20 افراد جاں بحق جبکہ ایرانی سفیر، حزب اللہ کے متعدد اراکین سمیت ڈھائی ہزار سے زائد افراد زخمی ہوگئے تھے۔پیجرزڈیوائسز پھٹنے سے ایرانی سفیر کے ساتھ ساتھ درجنوں افراد کی بینائی متاثر ہوئی ہے جبکہ کئی افراد اپنی انگلیوں سے بھی محروم ہو گئے۔
،واضح رہےکہ گزشتہ روزلبنان میں پیجرزدھماکوں میں جاں بحق افرادکی نمازجنازہ میں شرکت کےلئے آئےہوئے حزب اللہ کےاراکین کی واکی ٹاکیزمیں دھماکوں کاسلسلہ شروع ہواجس کےنتیجےمیں مزید20افرادشہیدہوگئےجبکہ 450زخمی بھی ہوئے۔لبنان اورحزب اللہ نےاس سائبرحملےکی ذمہ داری اسرائیل ڈالی ہےمگراسرائیل کی طرف ابھی تک اس کےبارےمیں کوئی بھی تصدیق یاتردید نہیں کی ۔