لیجنڈری اداکار آغا طالش کو ہم سے بچھڑے27 برس بیت گئے

لیجنڈری اداکار آغا طالش کو مداحوں سے بچھڑے27 برس بیت گئے۔
آغا طالش کااصل نام م آغا علی عباس قزلباش تھا ، وہ 10 نومبر 1927 کو لدھیانہ میں پیدا ہوئے تھے۔اپنے کردار وں میں ڈھل جانا طالش کی نمایاں خوبی تھی، کریکٹرایکٹر اور وِلن کے کردار ان کی اصل شناخت بنے۔
انہوں نے 1952 میں فلمی کیرئیر کا آغاز کیا تھا اورپنجابی فلم’’جبرو‘‘ میں ایک مزاحیہ کردار سے فلموں میں ہٹ ہوئے، آغا طالش نے اپنے چالیس سالہ فلمی کیرئیر میں بے شمار فلموں میں کام کیا اور اپنی اداکاری کا لوہا منوایا۔
آغا طالش کا شمار پاکستان کی فلم انڈسٹری کے بانیوں میں ہوتا ہے ، انہوں نے 5 دہائیوں تک پاکستانی فلم انڈسٹری میں اپنے فن کے جوہر دکھائے۔
پاکستانی فلموں میں کئی یادگار کردار ادا کرنیوالے آغا طالش19 فروری 1998کو انتقال کرگئے مگر ان کی اداکاری مداحوں کو آج بھی یاد ہے۔