ماحولیاتی آلودگی کاکیس:عدالت کی ڈی جی واساکوہدایت

ماحولیاتی آلودگی سےبچاؤ اوراسموگ کےتدارک کیس میں عدالت نےڈی جی واساکوہدایت کردی۔

لاہورہائیکورٹ کےجسٹس شاہدکریم نےماحولیاتی آلودگی سےبچاؤ اوراسموگ کےتدارک کیلئےہارون فاروق سمیت دیگرکی درخواستوں پرسماعت کی۔
عدالت نے ترقیاتی منصوبےشروع کرنےسےپہلےشہریوں کیلئےمتبادل راستے کا انتظام کرنےکی ہدایت کی۔
عدالت نےڈی جی واساسےسوال کیاکہ لاہورکاحال دیکھاہے؟
عدالت نےکہاکہ ترقیاتی کاموں میں تاخیرکی وجہ سےشہری متاثرہورہے ہیں،جن کےکام متاثرہورہےہیں ان کومعاوضہ کون دےگا؟
ڈی جی واساپنجاب نےکہاکہ یہ سارےمنصوبےعوام کی فلاح کیلئےکیے جارہے ہیں۔
جسٹس شاہدکریم نےکہاکہ ٹھیک ہےآپ نےڈرینج کےکام کرنےہیں لیکن لوگوں کومتبادل راستہ بھی تو دینا ہے،یہ تونہیں ہوسکتاکہ سڑک اکھاڑدیں اورپھربھول جائیں،کم ازکم لوگوں کوکاروبار اورگھروں کوجانے کاراستہ تودیناہے،اچھی بات ہےواساایک اتھارٹی بن گئی ہےذمےداری بھی بڑھ گئی ہے،ان لوگوں کاکیا کریں جن کاجینامحال ہوگیاہے؟سب پبلک سرونٹ ہیں اورعوام کی سہولت کےلئےکام کرناہے۔
ممبرکمیشن نےکہاکہ ایک علاقےمیں گیس اورپانی کی پائپ لائن توڑدی گئی ہے۔
عدالت نےکہاکہ اس بات کویقینی بنائیں جب تک متبادل انتظامات نہیں ہوتے کام شروع نہ کریں،ٹھیکیداروں کوان اقدامات کاپابندبنائیں۔
ڈی جی واساپنجاب نےکہاکہ ہمیں بھی اس طرح کی شکایات موصول ہوتی رہتی ہیں۔
جسٹس شاہدکریم نےکہاکہ سڑک اکھاڑنےسےپہلےٹریفک کےمتبادل راستےکابندوبست کریں،گلیوں میں سےٹریفک گزارنےسے گریز کرنا چاہیے، محکمہ ماحولیات کاان پراجیکٹس میں اہم کردارہوتاہےلیکن وہ خاموش ہے۔بارش نہ ہوتودھول کی وجہ سےہوابہت خراب ہوجائےگی۔
عدالت نےڈی جی واساکوہدایت کرتےہوئےکہاکہ آپ آئندہ کےپراجیکٹس پران تمام معاملات کومدنظررکھیں۔