مختلف علاقوں میں گرج چمک کے ساتھ مزید بارش کی پیشگوئی

گرمی کی آمد سے پریشان شہریوں کیلئے خوشخبری، ملک کے مختلف علاقوں میں آج بھی گرج چمک کے ساتھ مزید بارش کی پیشگوئی کی گئی ہے۔
محکمہ موسمیات نے خبردار کیا ہے کہ آج شام سے ملک کے مختلف حصوں میں آندھی، ژالہ باری اور گرج چمک کے ساتھ بارش کا زور مزید بڑھ سکتا ہے۔
محکمہ موسمیات کے مطابق آج رات خیبرپختونخوا، پنجاب، شمال مشرقی بلوچستان اور بالائی سندھ میں گرج چمک کے ساتھ بارش متوقع ہے۔نئے سسٹم کے باعث آزاد کشمیر میں بھی تیز ہواؤں، گرج چمک اور بارش کا امکان ہے۔
محکمہ موسمیات کاکہناہےکہ ملک کےبیشترعلاقوں میں مطلع جزوی ابرآلود اور چند مقامات پرموسلادھار بارش اورژالہ باری کاامکان ہے،وفاقی دارالحکومت اسلام آباداورگردوانوح میں تیزہواؤں آندھی اورگرج چمک کےساتھ بارش متوقع ہے۔اُدھر خیبرپختونخوا کے بیشتر اضلاع  میں  مطلع  ابرآلودرہنےکاامکان ہے، چترال،شانگلہ،دیر،سوات ،مالاکنڈ،کوہستان اورمانسہرہ میں گرج چمک کےساتھ بارش کی توقع ہے۔
موسم کاحال بتانےوالوں کاکہناہےکہ پنجاب کےبیشتراضلاع میں موسم خشک اور گرم رہنےکی توقع ہے،مری ،گلیات ،راولپنڈی،اٹک،چکوال،تلہ گنگ اور میانوالی میں گرج چمک کےساتھ بارش کی توقع ہے،اُدھرسندھ کےبیشتراضلاع میں مطلع جزوی ابر آلود رہنے کا امکان  ہے،تھرپارکراورمیرپورخاص میں گرج چمک کےساتھ بارش متوقع ہے۔
محکمہ موسمیات کےمطابق بلوچستان کےبیشتراضلاع میں مطلع جزوی ابرآلود رہنے کاامکان ہے،کوئٹہ، چمن،زیارت،بارکھان اورسبی میں تیزہواؤں اورگرج چمک کےساتھ بارش کی توقع ہے،گلگت بلتستان اورکشمیرمیں بھی تیزہواؤں اورگرج چمک کےساتھ با رش متوقع ہے۔