مخصوص نشستوں کافیصلہ پیپلزپارٹی نےعدالت میں چیلنج کردیا

تحریک انصاف کی مخصوص نشستوں کےفیصلےکوپیپلزپارٹی نےسپریم کورٹ میں چیلنج کردیا۔
پیپلز پارٹی کےوکیل فاروق ایچ نائیک نے 12 جولائی کے مخصوص نشستوں کے فیصلے کیخلاف نظر ثانی دائر کردی جس میں مخصوص نشستوں کا فیصلہ معطل کرنے کی استدعا بھی کی گئی۔
درخواست میں موقف اختیارکیاگیاسپریم کورٹ 12 جولائی آرڈر پر نظر ثانی کرے۔نظر ثانی کا فیصلہ ہونے تک 12 جولائی کا آرڈر کا آپریشن معطل کیا جائے۔سپریم کورٹ نے مخصوص نشستیں تحریک انصاف کو دینے کے معاملہ پر باضابطہ نوٹس نہیں دیا۔سپریم کورٹ کا آرڈر اصل تنازعہ پر مکمل خاموش ہے۔عدالت کا 12 جولائی کا آرڈر آئین کی تشریح کے طے شدہ اصول کے منافی ہے۔
نظرثانی میں کہاگیاکہ سپریم کورٹ نے آرٹیکل 51 اور سیکشن 104 کو کالعدم نہیں کیا۔عدالت کا آرڈر آئین و قانون کے برخلاف ہے۔عدالتی فائنڈنگ سنی اتحاد کونسل و فریقین کی گزارشات سے برعکس ہے۔سنی اتحاد کونسل اور تحریک انصاف دوالگ الگ سیاسی جماعتیں ہیں۔
درخواست میں موقف اختیارکیاگیاکہ عدالتی آرڈر میں 41 ارکان کو 15 دن کی مہلت آئین و قانون سے متصادم ہے۔سنی اتحاد کونسل کے 80 ارکان میں سے کوئی عدالت کے سامنے نہیں آیا۔39 ارکان کو تحریک انصاف کا قرار دینا قابل نظر ثانی ہے۔ تحریک انصاف کسی فورم پر پارٹی نہیں تھی۔