مخصوص نشستوں کامعاملہ:پی ٹی آئی کاسپریم کورٹ سےرجوع

تحریک انصاف نے مخصوص نشستوں کے معاملےپرایک بار پھر سپریم کورٹ سے رجوع کرلیا۔
تحریک انصاف نےمخصوص نشستوں کےلئے سپریم کورٹ میں درخواست دائر کردی۔پی ٹی آئی کی طرف سے وکیل عزیر کرامت بھنڈاری نے درخواست دائر کی۔
درخواست میں استدعاکی گئی کہ قرار دیا جائے کہ الیکشن ایکٹ میں ترمیم کا 12 جولائی کے فیصلہ پر اطلاق نہیں ہوتا۔ الیکشن کمیشن 12 جولائی فیصلہ پر عمل درآمد سے انکار نہیں کرسکتا۔ اسپیکر قومی اسمبلی کےخط کا 12 جولائی کےفیصلے پر خط کی کوئی قانونی حیثیت نہیں۔ الیکشن کمیشن اسپیکر قومی اسمبلی کے خط کو مسترد کردے۔الیکشن کمیشن کو مخصوص نشستیں دوسری سیاسی جماعتوں کو تقسیم سے روکا جائے۔