مسافروں کی سہولت کیلئے قومی ایئر لائن پی آئی اے کا بڑا اقدام

مسافروں کی سہولت کیلئے پی آئی اے کا بڑا اقدام،قومی ایئر لائن کا عنقریب اندرون ِ ملک کے ساتھ یورپ اور برطانیہ کیلئے پروازوں کا اہتمام،پی آئی اے نے اپنے مسافروں کی سہولت کیلئے اہم اقدام کرتے ہوئے ٹکٹ خریداری مزید آسان کردی۔
ترجمان پی آئی اے کے مطابق پی آئی اے کے مسافر اب ٹکٹ کی خریداری جاز کیش سے بھی باآسانی کر سکیں گے، جس کیلئے معاہدہ طے پا گیا ہے اور اس معاہدے پر پی آئی اے اور جاز کیش کے اعلیٰ حکام نے دستخط کر دیے ہیں۔ اس اقدام سے ٹکٹ کے حصول کیلئے مسافر کیش اور کریڈٹ کارڈ کے ساتھ ساتھ جاز کیش کے ذریعے سے بھی ادائیگی کر سکیں گے۔
ترجمان قومی ایئر لائن کے مطابق مسافروں کو زیادہ سے زیادہ سہولیات مہیا کرنا پی آئی اے انتظامیہ کا نصب العین ہے۔
ترجمان کا کہنا ہےکہ قومی ایئر لائن اپنے نیٹ ورک میں تیزی سے وسعت لا رہی ہے اور عنقریب پی آئی اے اندرون ملک کے ساتھ ساتھ یورپ اور برطانیہ کی پروازوں میں اضافہ کرے گی۔