مصنوعی ذہانت سے چلنے والے طیارے کا منصوبہ کیا ہے؟

مصنوعی ذہانت سے چلنے والے طیارے کا منصوبہ کیا ہے؟ایرو سپیس جائنٹ ایمبریئر نے ایک مکمل خودکار پرائیوٹ جیٹ کا تصور پیش کر دیا، جو مستقبل کی ہوابازی میں اہم پیشرفت ہے۔
کمپنی نے مستقبل کے جدید بزنس جیٹ متعارف کرانے کیلئے طیارہ ساز کمپنی بمبارڈیئر کے ساتھ اشتراک کیا ہے، جو آرٹیفیشل انٹیلی جنس سے اڑائے جائیں گے۔فلوریڈا کے شہر اورلینڈو میں منعقد ہونیوالی نیشنل بزنس ایوی ایشن ایسوسی ایشن کی تقریب میں جیٹ کمپنی کی جانب سے مستقبل کے درمیانے سائز کے کیبن جیٹ طیارے کے منصوبے کا اعلان کیا گیا۔
ایمبریئر کا کہنا ہےکہ اس منصوبے میں تین زونز کا حامل ایک کیبن شامل ہے۔منصوبے کے مطابق ان میں سے ایک زون میں ایک لاؤنج دکھایا گیا ہے، جس میں کاک پٹ سمیت بیٹھنے کیلئے کافی جگہ ہے۔مستقبل کے کیبن پلان میں ٹچ سکرین کے ساتھ کھڑکیوں کی تصویر بھی دکھائی گئی ہے۔اس طیارے کو مکمل طور پر پائیدار ایندھن سے اڑانے کرانے کیلئے ڈیزائن کیا گیا ہے اور اس طیارے کو پروں میں بغیر انجن کے ڈیزائن کیا گیا ہے۔اس طیارے میں انجن ایک دوسرے کے اوپر نصب دِکھائی دیتے ہیں ، جن میں تین ہوا کے اِن ٹیک ایک فیوزلج کے اوپر اور دو سائیڈ پر نصب ہیں۔