معروف مذہبی اسکالرڈاکٹرذاکرنائیک کی پاکستان آمد

معروف مبلغ اوراسکالرڈاکٹرذاکرنائیک پاکستان پہنچ گئے،وہ 28اکتوبرتک ملک بھرمیں مختلف اجتماعات سےخطاب کریں گے۔
اسلام آبادایئرپورٹ پہنچنےپرڈاکٹرذاکرنائیک کااستقبال وزیراعظم یوتھ پروگرام کےچیئرمین رانا مشہود ،ایڈیشنل سیکرٹری وزارت مذہبی امور سید ڈاکٹر عطا الرحمان اور پارلیمانی سیکرٹری مذہبی امور شمشیر علی مزاری سمیت دیگر نے کیا۔
ترجمان وزارت مذہبی امورکاکہناہےکہ اس دورےکےدوران ڈاکٹرذاکرنائیک اسلام آباد،لاہوراورکراچی میں مختلف عوامی اجتماعات سےخطاب کریں گےجبکہ نماز جمعہ کے اجتماعات سے خطاب اور امامت بھی کریں گے۔
پاکستان میں قیام کے دوران وہ اعلیٰ حکومتی عہدے داروں سے بھی ملاقاتیں کریں گے جبکہ ڈاکٹر ذاکر نائیک عوامی تقریبات میں بھی شرکت کریں گے۔
اس موقع پرچیئرمین وزیراعظم یوتھ پروگرام رانا مشہود کا کہنا تھا کہ ڈاکٹر ذاکر نائیک کی علمی خدمات کو خراج تحسین پیش کرتا ہوں جبکہ ڈاکٹر ذاکر نائیک کی اسلامی بصیرت اعتماد اور یقین کو فروغ دیتی ہے۔