ملک پر قرضے اور واجبات تاریخ کی بلند ترین سطح پر،ماضی کےتمام ریکارڈٹوٹ گئے

ملک پر قرضے اور واجبات تاریخ کی بلند ترین سطح پرپہنچ گئے، ایک سال میں قرضوں اور واجبات میں 7 ہزار 417 ارب روپےکا اضافہ ریکارڈ کیا گیا، پاکستان کا قرضوں اور واجبات پر انحصار مزید بڑھ گیا۔
اسٹیٹ بینک نےپاکستان کےقرضےاورواجبات کےحوالے سےدستاویزات جاری کردیں۔
اسٹیٹ بینک کی جاری کردہ دستاویزکےمطابق رواں سال ستمبرتک ملک کے قرضے اور واجبات 85 ہزار 836 ارب روپے ہوگئے، ستمبر 2024 تک پاکستان پر مقامی قرضہ 47 ہزار 536 ارب روپے اور غیر ملکی قرضہ 33 ہزار 722 ارب روپے تھا جبکہ رواں مالی سال کی پہلی سہ ماہی کے اختتام تک پاکستان پر واجبات 4 ہزار 484 ارب روپےتھے۔
دستاویز کے مطابق ستمبر 2023 تک ملک پر قرضوں اور واجبات کاحجم 78ہزار419ارب روپے تھا۔
واضح رہےکہ پاکستان کےقرضےاورواجبات میں تار یخی اضافہ ہونے سے قرضوں اورواجبات کےسابقہ تمام ریکارڈٹوٹ گئے۔ملک پر قرضے اور واجبات تاریخ کی بلند ترین سطح پر پہنچ گئےجبکہ پاکستان کا قرضوں اور واجبات پر انحصار مزید بڑھ گیا۔