ملک کوڈیفالٹ سےبچایا،گڑھےمیں گرکرنکلناآسان کام نہیں،اسحاق ڈار

نائب وزیراعظم اسحاق ڈارنےکہاہےکہ ہم نےملک کوڈیفالٹ سےبچایا، اتنے بڑےگڑھےمیں گرکر نکلنا اور پھرسےمعیشت کواُٹھاناآسان کام نہیں ہوتا۔
نیویارک میں اوورسیزپاکستانی کمیونٹی سےخطاب کرتےہوئےنائب وزیراعظم ووزیرخارجہ اسحاق ڈارکاکہناتھاکہ ن لیگ کےدورحکومت میں3سال میں پہلی بارآئی ایم ایف پروگرام مکمل کیاگیا،ہم نےکراچی کی روشنیوں کوبحال کیا،2014سےہم نےدہشت گردی کےخاتمےپرکام شروع کیا،2018میں حکومت بدلی گئی تومعیشت میں ہمارانمبر47پرچلاگیا،2017میں میری بات مانی ہوتی توپاکستان کو2022میں ڈیفالٹ کاخطرہ نہیں ہوتا۔
اُن کامزیدکہناتھاکہ پاکستان کی معیشت درست سمت پرجارہی ہے،ہم نےملک کیلئے سیاست کوداؤپرلگایا،ہم نےملک کوڈیفالٹ سےبچایا،پالیسی ریٹ 12فیصدپر آچکاہےترسیلات زرمیں اضافہ ہواہے،اتنےبڑےگڑھےمیں گرکرنکلنا اور پھر سے معیشت کواُٹھاناآسان کام نہیں ہوتا،ہم نےپاکستان کو24ویں معیشت بناکرچھوڑاتھا۔
نائب وزیراعظم کاکہناتھاکہ ہمارےدورمیں دہشتگردی ختم ہوچکی تھی وہ آج پھرسراٹھارہی ہے،ملک میں پچھلے2سال میں دہشت گردی میں اضافہ ہواہے ،دہشت گردی میں اضافہ کیوں ہواہمیں دیکھناہوگاکہ غلطی کہاں پرہوئی، ہمارے دورمیں آپریشنزہوئےدہشت گردوں نےبھاگ کرہمسائیہ ملک میں پناہ لی، ہمارے بعدآنےوالی حکومت نےدہشت گردوں کےمعاملےپر سمجھوتا کیا،ہم پالیسی بناتےہوئےہی نہیں سوچتےکہ اس کاملک پرکیااثرہوگا،افغانستان گئےہوئےٹی ٹی پی کے40ہزارکےقریب لوگ واپس آئے۔
وزیرخارجہ کامزیدکہناتھاکہ افغانستان سے پاکستان میں مسلسل دراندازی ہورہی ہے، دہشتگرد افغان سر زمین کو اپنے مذموم مقاصد کے لیے استعمال کررہے ہیں، افغان عبوری حکومت اپنی سرزمین پاکستان کے خلاف استعمال ہونے سے روکے۔
اُن کاکہناتھاکہ مسئلہ فلسطین کا واحد حل اقوام متحدہ کی قراردادوں کے مطابق ہونا چاہیے،اسرائیل اور اس کے حامیوں کو غزہ میں دوبارہ جنگ سے روکنا ہوگا، مغربی کنارے میں اسرائیل کی پُرتشدد ، بے دخلی کی مہم کو ختم کرنےکے لیے اقدامات ضروری ہیں۔