منفرد ٹیکنالوجی متعارف، جو بجلی کی بچت میں مددگار ثابت ہوگی

منفرد ٹیکنالوجی متعارف، جو بجلی کی بچت میں مددگار ثابت ہوگی۔چینی ماہرین نے ایسی ٹیکنالوجی تیار کر لی، جو فریج کو بجلی کم خرچ کرنے میں مدد فراہم کرتی ہے، جبکہ اسے زیادہ ماحول دوست بھی بنا دیتی ہے۔
ہوازونگ(Huazhong )یونیورسٹی آف سائنس اینڈ ٹیکنالوجی کے ماہرین نے تھرموگلوانک( thermogalvanic )نامی ٹیکنالوجی کا تجربہ کیا ہے ،جو کولنگ میکنزم کے طور پر کام کرتی ہے اور ماحول دوست بھی ہے۔ایک تخمینے کے مطابق 2019 میں دنیا بھر میں 4 فیصد بجلی کوگھروں میں موجود فریج اور ریفریجریٹرز نے استعمال کیا،مگر اس نئی ٹیکنالوجی سے لیس فریج بجلی کم خرچ کریں گے، جس سے صارفین کو پیسے بچانے میں مدد ملے گی۔
اس ٹیکنالوجی کے حوالے سے جاری ایک تحقیق میں بتایا گیا کہ تھرموگلوانک کولنگ ماحول دوست ٹیکنالوجی ہے، جو کاربن ڈائی آکسائیڈ کا اخراج کم کرتی ہے۔
تحقیق کے مطابق اس ٹیکنالوجی کو متعدد دیگر ڈیوائسز جیسے وئیر ایبل کولنگ ڈیوائسز سے لیکر صنعتی مشینوں میں بھی استعمال کیا جاسکتا ہے۔
محققین کے مطابق تھرموگلوانک ٹیکنالوجی ہماری زندگیوں کا حصہ بننے کے قریب ہے۔تھرموگلوانک سیلز ریورس ایبل کیمیائی ری ایکشنز کے ذریعے حرارت پیدا کرتے ہیں ،جس سے بجلی بنتی ہے۔محققین نے دریافت کیاہے کہ تھرموگلوانک ہائیڈروجیل کو موبائل فون کی بیٹری کو ٹھنڈا رکھنے کیلئے استعمال کیا جاسکتا ہے، جبکہ فضلے کی حرارت کو بجلی کے حصول کیلئے استعمال کیا جاسکتا ہے۔
انہوں نے تھرموگلوانک سیل کے کی کولنگ پاور کو 70 فیصد تک پہنچانے میں کامیابی حاصل کی ہے، جبکہ اس سے پہلے ایسا ممکن نہیں ہوسکا تھا۔
چینی سائنسدانوں نے تسلیم کیا ہے کہ اس حوالے سے مزید تحقیق کی ضرورت ہے، تاکہ اس کے سسٹم ڈیزائن کو حتمی شکل دی جاسکے۔