مون سون بارشیں: کہاں کتنی بارش ہوئی؟ اعداد و شمار جاری

مون سون میں بارشیں ہی بارشیں، کہاں کتنی بارش ہوئی؟محکمہ موسمیات نے اعداد و شمار جاری کر دئیے۔
محکمہ موسمیات کے مطابق سب سے زیادہ بارش چکوال میں ہوئی ،جہاں 423 ملی میٹر بارش ریکارڈ کی گئی۔راولپنڈی میں 230 ملی میٹر، جبکہ وفاقی دارالحکومت اسلام آباد میں 200 ملی میٹر بارش ہوئی، جس کے باعث معمولاتِ زندگی متاثر ہوئے۔اسی طرح گوالمنڈی میں 150 ملی میٹر اور نیو کٹاریاں میں 145 ملی میٹر بارش ریکارڈ کی گئی، جبکہ مری میں 41 ملی میٹر بارش ہوئی، جس سے لینڈ سلائیڈنگ کے خدشات بڑھ گئے ہیں۔
محکمہ موسمیات کے مطابق حافظ آباد میں 44 ملی میٹر،کوٹلی میں 57 ملی میٹر،راولا کوٹ میں 48 ملی میٹر،کاکول میں 36 ملی میٹر، جبکہ بالاکوٹ میں 24 ملی میٹر ریکارڈ کی گئی۔
محکمہ موسمیات کا کہنا ہے کہ آئندہ چند روز کے دوران بھی مختلف علاقوں میں مزید بارشوں کا امکان ہے، جس کے باعث ندی نالوں میں طغیانی اور شہری علاقوں میں اربن فلڈنگ کا خدشہ ہے۔