میٹا نے فیس بک میں لوکل اور ایکسپلور ٹیبزکی آزمائش شروع کر دی

میٹا نےلوکل اور ایکسپلور ٹیبز کی آزمائش شروع کر دی۔دنیا کے سب سے بڑے سوشل میڈیا پلیٹ فارم فیس بک پر متعدد نئے فیچرز کی آزمائش شروع کردی گئی۔ جنہیں کامیاب آزمائش کےبعد ویب سائٹ کا حصہ بنا دیا جائے گا۔
میٹا کے مطابق فیس بک پر لوکل اور ایکسپلور نامی ٹیبز کی آزمائش جاری ہے۔ اس کے ساتھ آرٹی فیشل انٹیلی جنس (اے آئی) سرچ کو مزید بہتر بنایا جا رہا ہے۔اے آئی کو بہتر بنائے جانے کے بعد میٹا اے آئی کے تحت پوسٹس، اکاؤنٹس اور دیگر معلومات کو فیس بک پر تلاش کرنا آسان ہوجائے گا۔
کمپنی کے مطابق فیس بک پر لوکل ٹیب کے تحت صارفین کو ان کی لوکیشن کے حساب سے مواد دکھایا جائے گا۔ لوکل ٹیب کیلئے فیس بک کے دیگر حصوں جیسے مارکیٹ پلیس، لوکل گروپس اور ایونٹس سے مواد اکٹھا کرکے اسے ٹیب کا حصہ بنایا جائے گا۔
اسی طرح فیس بک پرایکسپلور ٹیب انسٹاگرام ایکسپلور جیسا فیچر ہو گا، جس میں فوٹوز، ویڈیوز اور دیگر مواد کو صارفین کی دلچسپیوں کو مدنظر رکھ کر دکھایا جائے گا۔ اس ٹیب پر کلک کرکے صارفین مختلف طرح کا مواد دیکھ اور تلاش بھی کر سکیں گے۔