میٹا کی طرف سےواٹس ایپ میں ایک نیا اور کار آمد فیچر متعارف

واٹس ایپ کا انتہائی کارآمد فیچر متعارف،میٹا کی طرف سے ایپ میں ایک نیا فیچر متعارف کرایا جا رہاہے ، جس سے واٹس ایپ کے صارفین میٹا ایپلی کیشنز اور دیگر پلیٹ فارمز جیسے سنیپ چیٹ اور ایکس پر پیغامات اور میڈیا فائلزکو شیئر اور فارورڈ کر سکیں گے۔
یہ تازہ ترین اپڈیٹ اینڈرائیڈ کے نئے ورژن میں دستیاب ہوگی، جو مواد کو شیئر کرنے کے نئے طریقوں کی اجازت دے گی۔ اپ ڈیٹ میں واٹس ایپ دیگر ایپس کے ساتھ فوری طور پر مواد شیئر کرنے کیلئے ایپ میں نیچے کی جانب ایک نیا بار متعارف کروایا جائے گا۔یہ نیا فیچر فی الحال آزمائشی مرحلے میں ہے اور اسے گوگل پلے سٹور پر تازہ ترین اپ ڈیٹ کے ذریعے ڈاؤن لوڈ کیا جا سکتا ہے۔
نیا انٹرفیس مخصوص اختیارات والے صارفین کو مواد کو براہ راست میٹا ایپلی کیشنز جیسے انسٹاگرام اور فیس بک پر بھیجنے کی اجازت دے گا۔صارفین اپنی چیٹس سے میڈیا کو ڈاؤن لوڈ کے بغیر ان ایپلی کیشنز میں سٹوری کری ا یٹ کر سکیں گے اور صرف تصویر یا ویڈیو کو منتخب کرنے سے صارفین کو ایک آپشن شو ہوگا، جس سے وہ اسے سٹوری کے طور پر پوسٹ کر سکیں گے۔