میڈیکل سٹوڈنٹس کیلئے خوشخبری: نجی میڈیکل کالجوں کی سالانہ فیس کی حد مقرر

ڈاکٹر بننے کے خواہشمند طلبا و طالبات کیلئے خوشخبری، پی ایم ڈی سی کی جانب سے نجی میڈیکل کالجوں کی سالانہ فیس کی حد مقررکردی گئی۔
پاکستان میڈیکل اینڈ ڈینٹل کونسل (پی ایم ڈی سی) نے نجی میڈیکل کالجوں میں ایم بی بی ایس اور بی ڈی ایس پروگراموں کے لیے سالانہ ٹیوشن فیس کی حد 18 لاکھ روپے مقرر کر دی ہے۔
پی ایم ڈی سی کی جانب سے جاری کیے گئے اعلامیے کے مطابق یہ فیس ایم بی بی ایس کے پانچ سال اور بی ڈی ایس کے چار سال کے لیے لاگو ہوگی۔ یہ فیصلہ نائب وزیراعظم کی سربراہی میں قائم کمیٹی نے کیا ہے۔ پی ایم ڈی سی نے اس بات کا بھی یقین دلایا ہے کہ فیسوں میں غیر ضروری اور غیر معقول اضافہ ہرگز قابل قبول نہیں ہو گا۔ اس فیصلے کا مقصد طلبا و طالبات پر تعلیمی اخراجات کو کم کونا اور وطن عزیز پاکستان میں میڈیکل ایجوکیشن کو پروموٹ کرنا ہے۔