میڈیکل کیلئے پاسنگ مارکس اورحاضری کی شرح پھرتبدیل کرنے کا فیصلہ

ڈاکٹر بننے کے خواہشمند طلبا وطالبات کیلئے اہم خبر،اب ڈاکٹر بننے کیلئے کتنے فیصد مارکس اور حاضری کی ضرورت ہو گی؟تفصیلات سامنے آ گئیں۔
پی ایم ڈی سی نے میڈیکل امتحانات میں پاسنگ مارکس اورحاضری کی شرح پھرتبدیل کرنےکافیصلہ کر لیا۔
ذرائع کے مطابق پاکستان میڈیکل اینڈ ڈینٹل کونسل ( پی ایم ڈی سی) نےمیڈیکل اور ڈینٹل کالجز میں پاسنگ مارکس 65 فیصد،جبکہ حاضری 85 فیصد کرنے کا فیصلہ کر لیا ہے۔
ذرائع کے مطابق65فیصدپاسنگ مارکس اور85فیصدحاضری تمام میڈیکل کی کلاسزکےطلبا و طالبات پرلاگوہوگی۔
واضح رہے کہ پی ایم ڈی سی نےکچھ عرصہ قبل پاسنگ مارکس70 اور حاضری 90 فیصدکی تھی۔یوں ڈاکٹر بننے والے طلبا و طالبات کو مارکس اور حاضری میں5 فیصد کی چھوٹ مل گئی ہے، جس پر میڈیکل کے سٹوڈنٹس نے اظہارِ مسرت کیا ہے۔