میکسیکو: خاتون صدر منتخب ہوتے ہی خاتون میئرکا قتل

میکسیکو کی رپورٹ کے مطابق پہلی مرتبہ خاتون صدر منتخب ہونے کے کچھ ہی گھنٹے بعد خاتون میئر کو قتل کیا گیا۔

غیرملکی میڈیا کی جانب سے بتایا گیا، کہ کلاڈیا شین بام پارڈو کے پہلی خاتون صدر منتخب ہونے کے اعلان کے کچھ دیر بعد ایک کوٹیجا قصبے کی خاتون میئر کو مسلح افراد نے قتل کیا۔

میکسیکو کی رپورٹ کے مطابق مقتول خاتون میئر یولینڈا سانچیز ستمبر 2021ء سے کوٹیجا قصبے کی میئر تھیں، وہ اس عہدے کے لیے منتخب ہونے والی پہلی خاتون تھیں۔

مقامی میڈیا کے مطابق خاتون میئر کو 19 گولیاں ماری گئیں، حملے کے فوراً بعد انہیں ہسپتال لے جایا گیا، تاہم وہ جانبر نہ ہوسکی ، حملے میں ان کا سکیورٹی گارڈ بھی ہلاک ہوا۔ خاتون میئر پر اس حملے سے متعلق کوئی گرفتاری عمل میں نہیں آئی ہے۔

یولینڈا سانچیز کو ستمبر 2021ء میں عہدہ سنبھالنے کے بعد سے قتل کی دھمکیاں ملنے کی اطلاعات تھیں، انہیں 2023ء میں تین دن تک مسلح افراد نے یرغمال بھی بنایا تھا۔