ناسا کا سیارے مشتری کے بارے میں حیران کن انکشاف

ناسا کا سیارے مشتری کے بارے میں حیران کن انکشاف،امریکی خلائی ادارے ناسانے سیارہ مشتری کی حیرت انگیز تصویر جاری کردی۔
ڈولفن کلاؤڈ کی تصویر ناسا کے جونو سپیس کرافٹ نے اتاری ہے، جو کسی فلمی منظر کی طرح دکھائی دیتی ہے۔ناسا کے جونو خلائی جہاز کی مشتری پر ڈولفن کی شکل والے بادلوں یہ حیرت انگیز تصویر سائنس کےفنکارانہ پہلو کی عکاسی کرتی دکھائی دیتی ہے۔
ناسا کے ماہرین کا کہنا ہے کہ کرۂ ارض کے شدید طوفانوں سے پیدا ہونیوالی یہ قلیل شکل مشتری کے ہمیشہ بدلتے ہوئے ماحول پیریڈولیاکی جھلک ہے ۔اگرچہ کچھ لوگوں کا خیال ہے کہ مشتری میں ڈولفن مچھلیاں موجود ہو سکتی ہیں، کیونکہ مشہور زمانہ دی سمپسنز کارٹون سیریزمیں ایسی پیشگوئی کی جا چکی ہے، تاہم اس سب کے باوجود جونو خلائی جہاز کی طرف سے مشتری کے ہنگامہ خیز آسمان کے اس غیر معمولی نظارے نے سائنسدانوں کو دنگ کر دیا ہے۔
ناسا کے خلائی جہاز جونو کی دریافتیں یاد دلاتی رہتی ہیں کہ خلا میں انتہائی حیران کن مادے اور اشیا موجود ہیں۔دراصل ناسا کا خلائی مشن جونو کافی عرصے سے مشتری کے کئی اسراروں سے پردہ اٹھارہا ہے ، جبکہ جونو سپیس کرافٹ کی طرف سے حال ہی میں ڈولفن کلاؤڈ کی تصویر نے سائنسدانوں کو ورطہ ٔ حیرت میں ڈال دیاہے۔