نوازشریف کادورہ لندن اورامریکہ شیڈول

نوازشریف کا لندن، امریکہ اور یورپ کےدورےکاشیڈول طےہوگیا۔رواں ہفتےہی دورےپرروانہ ہونگے۔
مسلم لیگ ن کے صدر نوازشریف 25 اکتوبر کو لاہور سے پانچ ممالک کے دورے کےلئے روانہ ہوں گے، مریم نواز کا نوازشریف کے ہمراہ لندن اور یورپ کے دوروں کا شیڈول طے ہوگیا۔ نوازشریف دبئی، امریکہ، لندن اور یورپ کےلئے روانہ ہوں گے، نوازشریف 25 اکتوبر کو لاہور سے دبئی کےلئے روانہ ہوں گے۔ دبئی میں ایک روز قیام ہوگا جہاں سے وہ لندن جائیں گے۔
29 اکتوبر کو لندن سے نوازشریف امریکہ جائیں گے، سابق وزیراعظم امریکہ میں 4 روز قیام کے بعد واپس لندن پہنچیں گے، وزیراعلیٰ پنجاب مریم نواز نومبر کے پہلے ہفتے لندن جائیں گی، چند روز قیام کے بعدصدرمسلم لیگ (ن) نوازشریف اور مریم نوازدونوں یورپ کے مختلف ممالک کے دورے کریں گے۔ نوازشریف دوروں کے موقعوں پر اہم ملاقاتیں بھی کریں گے۔
واضح رہے کہ نوازشریف نے لندن میں اپنے چیک اپ کےلئے جانا تھا،آئینی ترامیم کے باعث انہوں نے اپنا دورہ پہلے ملتوی کیا تھا، اب وہ لندن میں اپنا چیک اپ کروائیں گے کچھ اہم سیاسی ملاقاتیں بھی متوقع ہیں۔