نومنتخب امریکی صدرڈونلڈٹرمپ کی کابینہ میں کون کون شامل؟نام سامنےآگئے

نومنتخب امریکی صدرڈونلڈٹرمپ کی 15رکنی کابینہ میں کون کون شامل ؟تمام ممبران کےنام سامنے آگئے۔
رواں سال 5نومبرکوامریکہ میں صدارتی انتخابات ہوئےتھےجس کےبعدنومنتخب امریکی صدرڈونلڈٹرمپ اپنےکابینہ بنانےکےلئےمتحرک ہوگئےتھےجس کوانہوں نےاب مکمل کرلیاہے،وہ بھی صرف تین ہفتوں کی قلیل مدت میں مکمل کیاہے۔ڈونلڈ ٹرمپ نے صرف تین ہفتوں میں اعلیٰ عہدوں کیلئے اسٹیبلشمنٹ اور غیر روایتی عہدے داروں کی ایک صف کا انتخاب کرتے ہوئے اپنی کابینہ کے اندر سرفہرست 15 عہدوں کیلئے اپنے انتخاب کو مکمل کرلیا۔
سابق فٹبالر وزیر ہاؤسنگ اور شہری ترقی، سابق پادری وزیر سابق فوجی امور، نائن الیون حملوں میں اپنے بھائی سمیت 658 ملازمین کو کھونے کے بعد بچ جانے والے وزیر کامرس ہوں گے۔
غیرملکی میڈیاکےمطابق دو میزبان وزیر دفاع اور وزیر ٹرانسپورٹیشن ہوں گے، کتے کی قاتل اورکووڈ 19 کے دوران ماسک پہننے کا حکم جاری نہ کرنے والی وزیر ہوم لینڈ سیکیورٹی ہوں گی، سابق ریسلر وزیر تعلیم، امیر ترین ارب پتی سیاستدان وزیر داخلہ ہوں گے۔ ٹرمپ کی’’ میک امریکا گریٹ اگین‘‘ تحریک کے تحت منتخب صدر کے انتخاب میں متنوع نظریات متحد ہیں۔
1۔ رابرٹ ایف کینیڈی، جونیئر وزیر، صحت اینڈ ہیومن سروسز سابق ڈیموکریٹ اور سابق صدارتی امیدوار رابرٹ ایف کینیڈی جونیئر ٹرمپ کی کابینہ میں محکمہ صحت اینڈ ہیومن سروسز کے سربراہ ہوں گے۔ کینیڈی جونیئر آنجہانی صدر جان ایف کینیڈی کے بھتیجے اور سابق اٹارنی جنرل رابرٹ کینیڈی کے بیٹے ہیں۔
2۔ لوری شاویز ڈی ریمروزیر محنت ٹرمپ نے اوریگون سے لوری شاویز ڈی ریمر کو محکمہ محنت کے اگلے وزیر کے طور پر منتخب کیا۔
شاویز کو واشنگٹن میں سب سے زیادہ مزدور دوست ریپبلکن سمجھا جاتا ہے اور کانگریس کے ان چند ممبران میں سے ایک ہیں جنہوں نے پروٹیکٹنگ دی رائٹ ٹو آرگنائز (پی آر او) ایکٹ کو شریک اسپانسر کیا۔
3۔ اسکاٹ بیسنٹ وزیر خزانہ ٹرمپ نے انوسٹمنٹ فرم کے سکوائر گروپ کے بانی اور فیڈرل ریزرو کی سیاسی نگرانی کے پرجوش پروموٹرا سکاٹ بیسنٹ کو وزیرخزانہ نامزد کیا، 62 سالہ اسکاٹ بیسنٹ کا شمار ارب پتی سرمایہ کاروں میں ہوتا ہے، وہ امریکا کی تاریخ کے پہلے ہم جنس پرست وزیرِ خزانہ ہوں گے۔
4۔ مارکو روبیو وزیر خارجہ، کیوبا سے تعلق رکھنے والے تارکین وطن کے بیٹے مارکو روبیو ٹرمپ کی آئندہ انتظامیہ میں وزیر خارجہ ہوں گے۔
5۔ پیٹ ہیگستھ وزیر دفاع ٹرمپ نے امریکی وزیر دفاع کے لیے ایک اعزاز یافتہ سابق فوجی اورفاکس نیوز کے سابق میزبان، پیٹ ہیگستھ کو نامزد کیا ہے۔
6۔ پام بوندی اٹارنی جنرلفلوریڈا کی سابق اٹارنی جنرل پام بوندی کو میٹ گیٹز کے دستبردار ہونے کے بعد انصاف کا قلمدان سنبھالنے کے لیے منتخب کیا گیا ہے۔ پام سے پہلے اس عہدہ کے لیے سابق رکن پارلیمنٹ میٹ گیٹز کو نامزد کیا گیا تھا لیکن انہوں نے اپنا نام واپس لے لیا۔
7۔ ڈوگ برگم وزیر داخلہ نو منتخب امریکی صدر نےڈوگ برگم کو وزیر داخلہ نامزد کیا ہے وہ تاجر اور سیاست دان ہیں جو 2016 سے نارتھ ڈکوٹا کے 33ویں گورنر کے طور پر خدمات انجام دیتے رہے۔
8۔ بروک رولنزوزیر زراعت :ٹرمپ نے امریکا فرسٹ پالیسی انسٹی ٹیوٹ کی سی ای او اور صدر بروک رولنز کو وزیرِ زراعت نامزد کیا۔
9۔ہاورڈ لوٹنکوزیرکامرسنو منتخب صدر ٹرمپ نے ہاورڈ لوٹنک کو وزیر کامرس نامزدکیا۔لوٹنک، 63، ٹرمپ کی ٹرانزیشن ٹیم کے شریک چیئر کے طور پر کام کر چکے ہیں۔
10۔ اسکاٹ ٹرنروزیر ہاؤسنگ اور شہری ترقی ٹرمپ نےایرک سکاٹ ٹرنر کو ہاؤسنگ اور شہری ترقی کا وزیرنامزدکیا ہے، وہ سیاستدان، اور سابق فٹ بالر ہیں۔
11۔شون ڈفیوزیر ٹرانسپورٹیشن نومنتخب صدر ڈونلڈ ٹرمپ نے وسکونسن کے سابق عوامی نمائندے شون ڈفی کو وزیرٹرانسپورٹیشن نامزد کیا ہے۔ وہ اس وقت امریکا کے نشریاتی ادارے فاکس نیوز سے بطور میزبان وابستہ ہیں۔
12۔ کرس رائٹوزیرتوانائی ٹرمپ نے اپنی حکومت میں محکمۂ توانائی کی قیادت کے لیے کرس وائٹ کا انتخاب کیا ہے۔کرس رائٹ ڈینور، کولاراڈو میں قائم لبرٹی انرجی کے سی ای او ہیں۔
13۔ لنڈا میک موہنوزیر تعلیم ٹرمپ نے ڈبلیو ڈبلیو ای کی سابق چیف ایگزیکٹیو آفیسر لنڈا میک موہن کووزیر تعلیم نامزدکیا۔
14۔ ڈگلس کولنز وزیرسابق فوجی امورڈگلس ایلن کولنز امریکی وکیل اور ریٹائرڈ سیاستدان ہیں جنہوں نے 2013 سے 2021 تک جارجیا کے 9ویں کانگریشنل ڈسٹرکٹ کے لیے امریکی نمائندے کے طور پر خدمات انجام دیں۔
15۔ کرسٹی نوموزیر ہوم لینڈ سیکورٹی جنوبی ڈکوٹا کی گورنر کرسٹی نوم کو نئی امریکی انتظامیہ میں ہوم لینڈ سکیورٹی کا قلمدان سنبھالنے کے لیے منتخب کیا گیا۔