نہم، دہم و انٹر کے نتائج کی تاریخ کا فیصلہ 13 جون کو ہوگا

طلبا و طالبات کیلئے اہم خبر،نہم، دہم و انٹر کے نتائج کی تاریخ کا فیصلہ 13 جون کو ہوگا۔
پاکستان کے آبادی کے لحاظ سے سب سےبڑے صوبہ پنجاب میں نہم، دہم اور انٹر کے سالانہ امتحانات کے نتائج کے اعلان سے متعلق اہم پیش رفت سامنے آگئی۔نہم، دہم و انٹر کے امتحانات دینے والے لاکھوں طلبا کواپنے نتائج کا بڑی بے صبری سے انتظار ہے۔
تعلیمی ذرائع کا کہنا ہے کہ پنجاب بورڈ کمیٹی آف چیئرمینز (PBCC) کا اجلاس 13 جون بروز جمعہ دوپہر ڈھائی بجے طلب کر لیا گیا ہے۔اجلاس میں تمام تعلیمی بورڈز کے چیئرمین شرکت کریں گے اور نتائج کے اعلان کی تاریخ کا حتمی فیصلہ کیا جائے گا۔
بورڈ حکام کے مطابق تاحال کسی بھی جماعت کے نتائج کی تاریخ حتمی طور پر طے نہیں کی گئی۔ حتمی منظوری پی بی سی سی اجلاس میں ہی دی جائے گی۔