نہم کا امتحان دینے والے طلبا کوعمر کی حد میں10 ماہ کی رعایت

سکولوں کے طلبا و طالبات کیلئے بڑی خوشخبری،لاہور بورڈ کے تحت نہم جماعت کا امتحان دینے والے لاکھوں طلبا کو عمر کی حد میں دس ماہ کی رعایت مل گئی۔
اس سے قبل 12 سال سے کم عمر کے طلبا نہم میں اپنی رجسٹریشن کروانے کے اہل نہیں تھے۔ رعایت ملنے کے بعد اب گیارہ سال اور دو ماہ عمر کے طلباو طالبات بھی اپنا داخلہ جمع کرواسکیں گے۔
بورڈ کا امتحان دینے والے طلباوطالبات 2025 میں نہم اور 2026 میں دہم کلاس کا امتحان دے سکیں گے۔ لاہور بورڈ نے عمر کی حد میں رعایت کے بعد رجسٹریشن کی تاریخ جاری کردی۔امیدوار 27 نومبر تک اپنی رجسٹریشن بورڈ سے کرواسکیں گے،یعنی رجسٹریشن کروانے کی آج آخری تاریخ ہے،جس کے بعد رجسٹریشن یومیہ جرمانہ کے ساتھ وصول کی جائے گی۔ رجسٹریشن کیلئے فیس 2300 مقرر کی گئی ہے۔