نیاقرض پروگرام:پاکستان آئی ایم ایف کی شرائط پوری کرنےمیں کامیاب

نئےقرض پروگرام کےلئے پاکستان نےبین الاقوامی مالیتی فنڈز(آئی ایم ایف )کی شرائط پوری کردیں۔
ذرائع کےمطابق آئی ایم ایف کےایگزیکٹوبورڈکااجلاس کل واشنگٹن میں ہوگا، جس میں پاکستان کے لئے 2ارب 30کروڑڈالرکےمالی پیکج کی منظوری متوقع ہے،پاکستان آئی ایم ایف کی زیادہ ترشرائط پوری کرنےمیں کامیاب ہوگیا۔
وفاقی وزیرخزانہ محمداورنگزیب کاکہناہےکہ ایک ارب ڈالرکی اگلی قسط،1.3ارب ڈالرکی کلائمیٹ فنانسنگ ملنےکی امیدہے۔
وزارت خزانہ حکام کےمطابق رواں مالی سال پاکستان آئی ایم ایف کےزیادہ تراہداف پورےکرنےمیں کامیاب ہوگیاہے۔حکومت کی خالص آمدن 7468ارب روپےرہی۔
دوسری جانب موجودہ مالی سال کےپہلے9ماہ کی آمدن اوراخراجات کی تفصیلات جاری کردی گئی۔
رپورٹ میں کہاگیاکہ پرائمری سرپلس2700ارب ہدف کےمقابلے 3468 ارب روپےتک پہنچ گیا،رواں مالی سال9ماہ میں اخراجات 11ہزار491ارب روپےتک پہنچ گئے،9ماہ میں مجموعی مالی خسارہ4023 ارب روپے ریکارڈ کیا گیا۔1053ارب کےصوبائی سرپلس کےباعث خسارہ کم ہوکر2970ارب پرآگیا۔