نیب ترامیم کیس کی سماعت لائیو نہیں ہوسکتی سپریم کورٹ نے درخواست مسترد کردی

لاہور:(پاکستان ٹوڈے) ورکر کا کام نہیں ہوگا تو کوئی وزیر آفس میں کام نہیں کرسکے گا، تحریک انصاف کےمقامی عہدیدارکی وارننگ

تفصیلات کے مطابق پی ٹی آئی کے سرگرم کارکن اور پشاور کے نائب صدر ندیم اتمان خیل نے وارننگ دی ہے کہ کہ تحریک انصاف کے ورکرز کے کام نہ ہونے پر کسی وزیر کو دفتر میں نہیں بیٹھنے دیا جائے گا ۔

ندیم اتمان خیل کا وزیرصحت کے دفتر سے جاری ویڈیو بیان سوشل میڈیا پر وائرل ہےجس میں انہوں نے خدشات کا اظہار کرتے ہوئے وزیراعلیٰ خیبرپختونخوا علی امین گنڈا پورکو ان کا ایک بیان یاد دلایا جس میں وزیراعلیٰ نے کہا تھا کہ کوئی افسر رشوت لیتا ہے اور کام نہیں کرتا تو پتھر اٹھا کراس کا سر پھوڑیں۔

انہوں نے وزیراعلی سے سوال کیا کہ کیا سرکاری افسر کے علاوہ وزیر کا سر بھی پھوڑا جائے یا نہیں، کیا وزیر اس سے بالاتر ہیں ؟ وارننگ دے رہا ہوں اگر ورکر کا کام نہیں ہوگا تو کوئی وزیر آفس میں کام نہیں کرے گا۔

ندیم اتمان خیل کا کہنا ہے کہ پارٹی کا سینئر ورکر ہوں، ایک ہفتے سے وزیرصحت کے دفتر میں آکرخوار ہورہا ہوں، حلقے کے عوام کے کام لے کر آتا ہوں لیکن کوئی کام نہیں ہورہا۔