نیکسٹ جنریشن : ایپل کی چیٹ جی پی ٹی طرز کی ایپ متعارف

ایپل کے صارفین کیلئے اہم خبر،ایپل کی چیٹ جی پی ٹی طرز کی ایپ متعارف، نیکسٹ جنریشن سری لانچ کرنے میں اہم پیشرفت ہوئی ہے۔
معروف ٹیکنالوجی کمپنی ایپل نے چیٹ جی پی ٹی کی طرز پر اپنی نئی اے آئی ایپ ویریٹاس لانچ کردی ہے، اس کے علاوہ ایپل نیکسٹ جنریشن تیاریوں میں مصروف ہے اور اس مقصد کیلئے ایک چیٹ جی پی ٹی طرز کی نئی ایپ متعارف کروائی گئی ہے، جسے کمپنی نے اندرونی طور پرویریٹاس کا نام دیا ہے۔
بلوم برگ کی رپورٹ کے مطابق یہ ایپ سری میں آنیوالی بڑی تبدیلیوں کو آزمانے اور عملی گفتگو کے ذریعے خامیوں کو دور کرنے کیلئے ڈیزائن کی گئی ہے۔ ویریٹاس بالکل ایک عام چیٹ بوٹ کی طرح کام کرتی ہے، جہاں صارفین مختلف موضوعات پر گفتگو کرسکتے ہیں اور اپنے سوالات کے تسلسل میں جوابات حاصل کرسکتے ہیں۔
ایپل کے انجینئرز اس ایپ کو پرامپٹ سٹرٹیجی، ایرر ہینڈلنگ اور ریسپانس جنریشن کو بہتر بنانے کیلئے استعمال کررہے ہیں، تاکہ صارفین کے سامنے پیش کرنے سے پہلے سری کے نظام کو زیادہ ذہین اور مؤثر بنایا جاسکے۔اس تجرباتی عمل کا مقصد یہ یقینی بنانا ہے کہ سری کا نیا ورژن ہموار طریقے سے کام کرے۔
ابتدائی طور پر ایپل نے نئی سری کو آئی او ایس 18 کے ساتھ متعارف کرانے کا منصوبہ بنایا تھا، تاہم بار بار کی تاخیر کے باعث اب اس کی متوقع ریلیز مارچ 2026 میں ہوگی۔ اس اپ ڈیٹ میں نا صرف زیادہ سمارٹ فیچرز شامل ہوں گے، بلکہ سری کے انٹرفیس کو بھی نیا ڈیزائن دیا جائے گا۔