وائس کال کرنیوالے واٹس ایپ صارفین کیلئے نیا فیچر متعارف
![](https://pakistantoday.tv/wp-content/uploads/2024/06/whatsapp-1-905x400.jpg)
وائس کال کرنے والے واٹس ایپ صارفین کیلئے نیا فیچر متعارف ۔
دنیا بھر میں مقبول ترین انسٹنٹ میسجنگ ایپلی کیشن نے اپنے صارفین کیلئے ایک اور بہترین فیچر متعارف کرا دیا۔ واٹس ایپ انتظامیہ نے اپنے اینڈرائیڈ صارفین کیلئے وائس کال میں مزید سہولت فراہم کرتے ہوئے نیا فیچر متعارف کرانے کا اعلان کر دیا۔
گلوبل ولیج سپیس ڈاٹ کام کی رپورٹ کے مطابق اس نئی اپ ڈیٹ کے بعد واٹس ایپ پر کال موصول ہوتے وقت کال کرنیوالے کی تصویر پوری سکرین پر دیکھی جا سکے گی۔ متعارف کرائے جانیوالے دیگر فیچرز میں سے ایک میں کال ونڈو پر اوپر کی جانب کچھ
آئیکون دیئے جائیں گے کہ جس سے صارفین کال ونڈو کو چھوٹا یا روابط کی فہرست سے دیگر افراد کو کال میں شامل کر سکیں گے۔اس کے علاوہ واٹس ایپ کے ایک اور فیچر کے تحت سکرین پر نیچے کی جانب دیئے گئے پینل میں مزید آپشن شامل کیے جائیں گے۔