واٹس ایپ پر صرف1 بار سنا جانیوالا وائس نوٹ کیسے بھیجیں؟

 عالمی سطح پر مقبول انسٹنٹ میسیجنگ ایپلی کیشن نے اپنے صارفین کی آسانی کیلئے وائس میسج ویو ونس کا فیچر متعارف کروانے کے بعد اب صرف ایک بار سنا جانیوالا وائس نوٹ کا فیچر بھی متعارف کروا دیا۔

ویو ونس فیچر کے ذریعے پیغام وصول کرنیوالے صارف کے ایک بار کھولنے کے بعد پیغام چیٹ سے غائب ہو جاتا ہے، واٹس ایپ انتظامیہ کی جانب سے اس فیچر کو صارف کی پرائیویسی میں بہتری کے طور پر متعارف کروایا گیا، تاہم یہ فیچر صرف تصاویر اور ویڈیوز تک محدود نہیں رہا، گزشتہ برس اس فیچر کو وائس نوٹ میں بھی شامل کیا گیا۔

اس فیچر سے قبل کسی بھی صارف کو بھیجا گیا وائس نوٹ عام طور پر وائس نوٹ چیٹ میں ہی موجود رہتا تھا، جسے پیغام وصول کرنے والا کسی بھی وقت دوبارہ سُن سکتا تھا، تاہم اب ایسا نہیں ہو گا۔ نئے فیچر کے ذریعے صارف میسج کی طرح وائس نوٹ کو بھی بھیجے گئے صارف کو صرف ایک بار سننے کا موقع دے سکتا ہے ۔

اس کیلئے آپ کو گروپ چیٹ اوپن کرکےمائیکروفون آپشن کو ٹیپ کرنے کے بعدریکارڈنگ کو لاک کرنے کیلئے سویپ اپ کرناہو گا۔اس کے بعد ویو ونس آئیکن پر ٹیپ کریں، جب یہ آئیکن گرین ہوجائے تو آپ کا پیغام ویو ونس فیچر کیساتھ تیار ہے، سینڈ کرنے کیلئے ٹیپ کردیں۔ اب آپ کاواٹس ایپ پر بھیجا جانیوالا وائس نوٹ صرف ایک بار سنا جا سکے گا۔