واٹس ایپ کا انسٹاگرام کی طرز کا نیا کلوز فرینڈز فیچر متعارف

واٹس ایپ صارفین کیلئے خوشخبری، انسٹاگرام کی طرز کا نیا کلوز فرینڈز فیچر متعارف ،میٹا کی مقبول ترین ایپلی کیشن واٹس ایپ نے انسٹاگرام کی طرز پر ایک نیا کلوز فرینڈز فیچر متعارف کروادیا، جو فی الحال بیٹا ورژن میں آزمائشی مرحلے پر ہے۔
واٹس ایپ کے کلوز فرینڈز فیچر کے تحت صارفین اپنے قریبی دوستوں کی ایک الگ فہرست بنا سکیں گے، اس فیچر کےتحت سٹیٹس اپ لوڈ کرنیوالے صارف کو یہ اختیار حاصل ہوگا کہ وہ اسے سب کے ساتھ شیئر کرے یا صرف قریبی دوستوں کے ساتھ شیئر ہونیوالا سٹیٹس ایک مختلف رنگ میں ظاہر ہوگا، تاکہ انہیں آسانی سے پہچانا جا سکے۔
واٹس ایپ انفارمیشن پورٹل کے مطابق کلوز فرینڈز فیچر صارفین کو اپنی پرائیویسی پر زیادہ کنٹرول فراہم کرے گا، جس سے وہ فہرست میں کسی کو شامل یا خارج کرسکتے ہیں، جس سے دوسرے شخص کو کوئی اطلاع موصول نہیں ہو گی۔
تجزیہ کاروں کے مطابق اس نئے اپ ڈیٹس کے ذریعے واٹس ایپ اپنی ایپ کو زیادہ دوستانہ اور صارفین کیلئے پرائیویسی کے حوالے سے محفوظ بنانے کی کوشش کر رہا ہے، تاکہ لوگ اپنی معلومات اعتماد کے ساتھ شیئر کر سکیں۔
رپورٹ کے مطابق سٹیٹس صرف اسی وقت اُن لوگوں کو دکھائی دے گا، جو پوسٹ کرتے وقت لسٹ میں شامل ہوں گے اور بعد میں کسی نئے شخص کو کلوز فرینڈز میں شامل کرنے سے پرانا سٹیٹس نظر نہیں آئے گا، اگر صارف پرانی پوسٹ کو نئے افراد کے ساتھ شیئر کرنا چاہتے ہیں، تو اسے لازمی طور پر سٹیٹس ڈیلیٹ کر کے دوبارہ اپ لوڈ کرنا ہوگا۔