واٹس ایپ کا نیا فیچر سٹیٹس کوئسچن متعارف، خصوصیات کیا ہیں؟

واٹس ایپ نے اپنا نیا فیچر سٹیٹس کوئسچن متعارف کرا دیا۔اس فیچر کی خصوصیات کیا ہیں؟تمام تر تفصیلات سامنے آ گئیں۔
میٹا کی زیر ملکیت کمپنی ایپ واٹس ایپ کے اس فیچر کے ذریعے صارفین اپنے سٹیٹس اپ ڈیٹس پر سوالات پوسٹ کرسکیں گے، یعنی یہ فیچر صارفین کے درمیان براہِ راست بات چیت اور انٹرایکشن کو فروغ دینے کیلئےتیار کیا گیا ہے۔
اس فیچر کے تحت صارف اپنے سٹیٹس میں سوال شامل کر سکتا ہے، جس کے جواب دیکھنے والے براہِ راست دے سکیں گے۔ تمام جوابات خفیہ ہوں گے اور صرف سوال پوسٹ کرنیوالا صارف ہی انہیں دیکھ سکے گا۔ہر نئے جواب پر صارف کو نوٹیفکیشن موصول ہوگا، جبکہ وہ منتخب جوابات کو نئے سٹیٹس کے طور پر شیئر بھی کر سکے گا، البتہ جواب دینے والے کی شناخت ظاہر نہیں کی جائے گی۔
واٹس ایپ کے مطابق یہ فیچر مکمل طور پر اینڈ ٹو اینڈ انکرپٹڈ ہوگا، یعنی صرف بھیجنے والا اور وصول کنندہ ہی پیغامات دیکھ سکیں گے۔یہ فیچر فی الحال بیٹا ٹیسٹنگ مرحلے میں ہے اور محدود صارفین کو دستیاب ہے۔
کمپنی کے مطابق اسے مرحلہ وار عام صارفین کیلئےجاری کیا جائے گا۔دلچسپ بات یہ ہے کہ یہ نیا فیچر انسٹاگرام کے کوئسچن سٹیکرسے کافی مشابہت رکھتا ہے، جو صارفین کو سوالات پوچھنے اور جوابات حاصل کرنے کی اجازت دیتا ہے۔