واٹس ایپ کی 2024 کی وہ خفیہ ٹِرکس جن کا علم بیشتر صارفین کو نہ ہوسکا

واٹس ایپ کے صارفین کیلئے اہم خبر،میٹا کی مقبول ترین اپیلی کیشن کی 2024 کی وہ خفیہ ٹِرکس جن کا علم بیشتر صارفین کو نہ ہوسکا۔
دنیا کی مقبول ترین انسٹنٹ میسجنگ ایپلی کیشن واٹس ایپ میں رواں سال درجنوں نئے فیچرز کا اضافہ کیا گیا۔درحقیقت میٹا کی زیر ملکیت ایپ میں اتنے نئے فیچرز متعارف کرائے گئے کہ متعدد کا صارفین کو علم ہی نہیں ہوسکا یا انہوں نے اس پر توجہ مرکوز نہیں کی۔
یہی وجہ ہے کہ میٹا نے خود تسلیم کیا ہے کہ واٹس ایپ میں متعدد نئے فیچرز ایسے ہیں ،جن کا صارفین کو تاحال علم نہیں ۔ واٹس ایپ کی جانب سے 2024 میں کی جانیوالی چند بڑی تبدیلیوں کا ذکر ایک خصوصی میمو میں کیا گیا ہے۔ فہرست میں سب سےپہلے جس فیچر کا ذکر کیا گیا ہے وہ واٹس ایپ ویب پر کانٹیکٹس کو ایڈ کرنا ہے۔اس کے علاوہ واٹس ایپ نے چیٹس کو آرگنائز کرنے کیلئے میسجنگ پلیٹ فارم میں کاسٹیوم لسٹس اور فیورٹس کا اضافہ بھی کیا ، جبکہ ایک بڑی تبدیلی ایونٹس فیچر کا اضافہ ہے۔
واٹس ایپ کے مطابق ایونٹس فیچر سے صارفین کو نئے ایونٹس ترتیب دینے کا موقع ملتا ہے ،جبکہ انہیں خودکار ریمائنڈرز موصول ہوتے ہیں۔2024 میں ویڈیو کالنگ کو بھی واٹس ایپ کی جانب سے اپ گریڈ کیا گیا اور اب صارفین 32 افراد سے بیک وقت ویڈیو چیٹ کرسکتے ہیں ،جبکہ متعدد فلٹرز اور بیک گراؤنڈز بھی دستیاب ہیں۔آڈیو کالنگ کے معیار کو بھی واٹس ایپ کی جانب سے بہتر کیا گیا اور تیز انٹرنیٹ کنکشن پر ایسا خودکار طور پر ہوتا ہے۔تیز انٹرنیٹ کنکشن پر ویڈیو کالز کے لیے معیاری ریزولوشن کا فیچر بھی اس سال واٹس ایپ کا حصہ بنا۔
واٹس ایپ نے رواں سال چینل کیٹیگریز بھی متعارف کرائیں ،جبکہ تصاویر کو سٹیکرز میں تبدیل کرنے کی سہولت بھی فراہم کی۔اسی طرح چینلز پر وائس اپ ڈیٹس اور 16 ایڈمنسٹریٹر کی سپورٹ کا اضافہ بھی کیا گیا۔