وزیراعظم اوربلاول بھٹوکی ملاقات کی اندرونی کہانی

وزیراعظم شہبازشریف اورچیئرمین پیپلزپارٹی بلاول بھٹوزرداری کی ملاقات کی اندرونی کہانی منظرعام  پرآگئی۔
وزیراعظم شہبازشریف اورچیئرمین پیپلزپارٹی بلاول بھٹوزرداری کی ملاقات گزشتہ رات کواسلام آباد میں ہوئی تھی۔جس میں اہم فیصلےبھی کئے گئے۔
ذرائع کےمطابق پیپلزپارٹی کےپنجاب حکومت بارےخدشات پروزیراعظم شہبازشریف نےبڑافیصلہ کرلیا۔
ذرائع کاکہناہےکہ وزیراعظم شہبازشریف نےہدایت کی کہ پنجاب کے معاملے پر دونوں جماعتوں کے وفد کی فوری میٹنگز ہونی چاہئے ۔ پیپلز پارٹی اور ن لیگ کی کوآرڈیشن کمیٹیوں کا اجلاس اتوار کو گورنر ہاؤس لاہور میں ہو گا۔لاہور میں ہونے والے اجلاس میں ن لیگ اور پیپلز پارٹی کے درمیان معاملات حل کیے جائیں گے ،وزیراعظم شہبازشریف نےنائب وزیراعظم اسحاق ڈارکو ٹاسک دےدیا۔
ذرائع کےمطابق وزیراعظم شہبازشریف نےاہم قانون سازی سےمتعلق چیئرمین پیپلزپارٹی کو اعتماد میں لیا۔ قانون سازی کو انتہائی خفیہ رکھنے پر اتفاق ہوا۔قومی اسمبلی کا اجلاس پیر کو بلانے پر بھی اتفاق ،حکومتی ارکان کو اس سیشن میں حاضری یقینی بنانے کی بھی ہدایات کی جائیں گی۔