وزیراعظم نےچینی شہریوں کےتحفظ کویقینی بنانےکی بات کی،چینی سفیر

پاکستان میں تعینات چینی سفیر جیانگ ژی ڈونگ نے کہا ہے کہ وزیراعظم لی جیانگ نے آرمی چیف اور دیگر سیکیوررٹی عہدیداروں سے چینی شہریوں کے تحفظ کی بات کی۔
ملاقات کے دوران چینی سفیر جیانگ ژی ڈونگ کاکہناتھاکہ 4 ماہ کے اندر چین اور پاکستان کے رہنماؤں کی دوبارہ ملاقات ہمارے قریبی تعلق کا اظہار ہے، چین کے مالی تعاون سے ہم نے گوادر میں ایئر پورٹ بنایا ہے، اس ایئرپورٹ پر بڑے بڑے کارگو طیارے لینڈ کر سکتے ہیں۔
اُن کامزیدکہناتھاکہ پاکستان میں ایس سی او کا انعقاد کامیاب رہا،چینی وزیراعظم کے دورہ کے دوران متعدد اہم ایم او یوز پر دستخط ہوئے۔وزیراعظم نے وزیراعظم شہباز شریف کے ہمراہ گوادر کے جدید ایئرپورٹ کا افتتاح کیا، ایس سی او کے موقع پر چینی وزیراعظم نے صدر وزیراعظم ، سپیکر اور چیئرمین سینٹ سے ملاقاتیں کیں۔
چینی سفیر جیانگ ژی ڈونگ کاکہناتھاکہ صدر شی کو پاکستان میں سکیورٹی پر تشویش ہے،چینی وزیراعظم لی جیانگ نے آرمی چیف اور دیگر سیکیورٹی عہدیداروں سے بھی ملاقاتیں کیں، چینی وزیراعظم نے ان ملاقاتوں میں چینی شہریوں کے تحفظ کی بات کی۔پاکستانی میں کنیکٹوٹی اور تجارت کے حوالے سے بڑا پوٹینشل ہے، ہم چاہتے ہیں سی پیک کے ذریعے پاکستان میں بڑے منصوبے بنیں۔