وزیر اعلیٰ کا ملتان میں عمارت گرنے پر دکھ کا اظہار

وزیر اعلیٰ مریم نواز شریف کا ملتان میں عمارت گرنے سے قیمتی جانوں کے ضیاع پر گہرے رنج و دکھ کا اظہار

وزیر اعلیٰ مریم نواز کا سوگوار خاندان سے اظہار ہمدردی و تعزیت وزیر اعلیٰ مریم نواز نے کمشنر ملتان سے فوری رپورٹ طلب کرلی۔

ملتان میں 2 منزلہ عمارت گرنے سے 2 افراد جاں بحق اور 4 زخمی ہوگئے، حادثہ بالائی منزل پر دیواریں توڑے جانے کی وجہ سے پیش آیا، کئی گھنٹے گزرنے کے بعد بھی مزید کسی کو ملبے سے نہیں نکالا جاسکا۔

واقعے کی اطلاع ملنے کے بعد ریسکیو ٹیم موقع پر پہنچ گئی۔

ریسکیو اہلکاروں نے ملبہ ہٹا کر لاشوں اور زخمیوں کو نشتر ہسپتال منتقل کر دیا جہاں زخمی ہونے والوں کو طبی امداد دی جا رہی ہے۔

ریسکیو حکام کا کہنا ہے کہ 3 منزلہ عمارت دیگر مکانوں پر آگری تھی، ملبے تلے 19 افراد دب گئے، 3 گھنٹے کے ریسکیو آپریشن کے بعد 9 افراد کی نعشیں نکال لی گئیں جبکہ 2 زخمیوں کو بھی ریسکیو کر لیا گیا ہے۔

ڈپٹی کمشنر نے بھی موقع پر پہنچ کر ریسکیو آپریشن کا جائزہ لیا، چھت کا کچھ ملبہ ساتھ والے مکانوں پر بھی گرا جس کی وجہ سے مزید نقصان کا خدشہ ہے، ہسپتال میں ایمرجنسی نافذ کر دی گئی۔