وفاقی حکومت نے پیٹرولیم مصنوعات پر لیوی میں اضافہ کر دیا
![](https://pakistantoday.tv/wp-content/uploads/2024/03/petrol-prices-905x400.jpg)
اسلام آباد: وفاقی حکومت نے سالہ بجٹ 25-2024 میں مہنگائی کے ستائے عوام کیلیے پیٹرولیم مصنوعات پر لیوی میں اضافہ کر دیا۔
وزیر خزانہ محمد اورنگزیب نے سال 25-2024 کیلیے بجٹ پیش کیا۔ جس میں پیٹرولیم مصنوعات پرعائد پیٹرولیم لیوی میں 33 فیصد اضافہ کیا گیا۔
بجٹ میں پیٹرول اور ڈیزل پر پیٹرولیم ڈویلپمنٹ لیوی 60 سے بڑھا کر 80 روپے فی لیٹر کرنے کی تجویز دی گئی ہے۔
فنانس بل میں مٹی کے تیل پرپی ڈی ایل 50 روپے فی لیٹر برقرار جبکہ لائٹ ڈیزل پر پی ڈی ایل 50 سے بڑھاکر75 روپےکرنے کی تجویز شامل ہے۔
برانڈڈ ملبوسات، جوتے، لیدر پروڈکٹس مہنگی کر دی گئیں جبکہ نان فائلر کیلیے خرید و فروخت اور کاروبار پر ٹیکس بڑھا دیا گیا۔ غیر قانونی سگریٹ بیچنے والے جیل جائیں گے اور دکان سیل ہوگی۔