وفاقی کابینہ کا اجلاس: سیکیورٹی، سفارتی امور اور پاور سیکٹر اصلاحات پر غور

وفاقی کابینہ اجلاس میں سیکیورٹی، سفارتی امور اور پاور سیکٹر اصلاحات پر غور کیاگیا۔افغانستان سے فتنہ الہندوستان کی شرانگیزیوں اور خوارج کی کارروائیوں کاجائزہ بھی لیاگیا۔

وزیراعظم شہبازشریف کی زیرصدارت وفاقی کابینہ کااجلاس منعقدہواجس میں اہم فیصلےکرلئےگئے، اجلاس میں قومی و عالمی امور پر تفصیلی غور کیا گیا۔
ذرائع کےمطابق وفاقی کابینہ نے دہشتگردی کے خلاف جنگ میں شہیدافواج پاکستان کے جوانوں کو خراج عقیدت پیش کیا اور شہدا کے اہل خانہ سے مکمل یکجہتی کا اظہار کیا ۔
ذرائع کاکہناہےکہ وزیراعظم شہبازشریف نےاجلاس میں وفاقی کابینہ کو بیرونی دوروں، ملاقاتوں اور علاقائی صورتحال پر اعتماد میں لیا جبکہ داخلی حالات، سکیورٹی چیلنجز اور بین الاقوامی سطح پر پاکستان کی سفارتی کامیابیوں سے بھی آگاہ کیا۔
ذرائع کابتاناہےکہ کابینہ اجلاس میں افغانستان سے فتنہ الہندوستان کی شرانگیزیوں اورخوارج کی کارروائیوں کاجائزہ لیا گیا، اس دوران دہشتگردی کی ہر شکل کو جڑ سے اکھاڑ پھینکنے کے عزم کا اظہار کیا۔اجلاس میں بین الحکومتی تجارتی معاملات سے متعلق کابینہ کمیٹی کےفیصلوں کی توثیق کی گئی۔
ذرائع کامزیدکہناہےکہ وفاقی کابینہ کےاجلاس میں ریگولیٹری ریفارمز سے متعلق کابینہ کمیٹی کی سفارشات کا جائزہ لیا گیا جبکہ اس دوران وزارت توانائی کی جانب سے پاور سیکٹر میں اصلاحات پر تفصیلی رپورٹ پیش کی گئی۔ اس دوران اوورسیز امپلائمنٹ اور ٹیکنیکل ووکیشنل ایجوکیشن و ٹریننگ کے ایجنڈے پر بھی غور کیا گیاجبکہ قانون سازی سےمتعلق کیسز پر کابینہ کمیٹی کے 3اجلاسوں کے فیصلوں کی توثیق کی گئی۔