وویمنز کرکٹ ورلڈ کپ: آج پاکستان اوربنگلہ دیش کی ٹیمیں مدمقابل ہونگی

انٹرنیشنل کرکٹ کونسل(آئی سی سی )وویمنز کرکٹ ورلڈ کپ کےتیسرامیچ میں آج پاکستان اور بنگلہ دیش کےدرمیان مقابلہ ہوگا۔
انٹرنیشنل کرکٹ کونسل(آئی سی سی)کے زیر اہتمام خواتین کرکٹ ورلڈ کپ کا تیرہواں ایڈیشن سری لنکا اور بھارت کی میزبانی میں ہورہاہے،بھارت کو یہ 1978، 1997 اور 2013 کے ایڈیشن کے بعد خواتین کے عالمی کپ کی میزبانی کرنے کا چوتھا موقع ملا ہے جبکہ سری لنکا پہلی بار میگا ایونٹ کی میزبانی کر رہا ہے ،ٹورنامنٹ میں چوکوں اورچھکوں کی بہارکاسلسلہ جاری ہے۔آئی سی سی ویمنز ورلڈ کپ ٹورنامنٹ میں 8 مختلف ممالک کی ٹیمیں ٹائٹل جیتنےکیلئے نبرد آزما ہوں گی ۔سری لنکا، بھارت،نیوزی لینڈ ،دفاعی چیمپئن آسٹریلیاشامل ہےجبکہ پاکستان ، بنگلہ دیش، انگلینڈ اورجنوبی افریقہ کی ٹیمیں شامل ہیں۔ آسٹریلیا کی ٹیم ٹائٹل کے دفاع کے لئے ایکشن میں ہوگی۔آسٹریلیا کی ویمنزٹیم نے 2022 میں اپنا ساتواں ٹائٹل جیتا تھا۔
پاکستان بنگلہ دیش کی وویمنزٹیم کامیچ پریما داسا انٹرنیشنل کرکٹ سٹیڈیم میں مقامی وقت کے مطابق دوپہر 3بجے شروع ہوگا۔ پاکستان وویمنز کرکٹ ٹیم کی قیادت کپتان فاطمہ ثناء کریں گی۔ فاطمہ ثناء آج اپنا 50واں ون ڈے انٹرنیشنل میچ کھیل رہی ہیں۔
واضح رہےکہ ایونٹ کاپہلامیچ میزبان بھارت اورسری لنکاکی وویمنزکی ٹیموں کےدرمیان کھیلاگیاجس میں بھارت نے59رنزسےکامیابی حاصل کی،جبکہ ٹورنامنٹ کےدوسرےمیچ میں دفاعی چیمپئن آسٹریلیانے نیوزی لینڈکو89رنزسےشکست دی۔