ویسٹ انڈیز کیخلاف ون ڈے اور ٹی ٹوئنٹی سیریز ، پاکستان اسکواڈ کا اعلان کردیا گیا

ویسٹ انڈیز کے خلاف ون ڈے اور ٹی ٹوئنٹی انٹرنیشنل سیریز کیلئے پاکستان اسکواڈ کا اعلان کردیاگیا۔
ویسٹ انڈیز کی سیریز میں تین ٹی ٹوئنٹی انٹرنیشنل اور تین ون ڈے انٹرنیشنل کھیلے جائیں گے۔محمد رضوان ون ڈے انٹرنیشنل میں کپتان برقرارہیں جبکہ شاہین شاہ آفریدی اور بابرعظم کو ون ڈےا سکواڈ میں شامل کرلیاگیا۔
ٹیم 27 جولائی کو امریکہ پہنچے گی۔31 جولائی، 2 اور 3 اگست کو تین ٹی ٹوئنٹی انٹرنیشنل میچز شیڈول ہیں۔
ٹی ٹوئنٹی سیریز لاڈرہل امریکہ میں شیڈول ہیں جبکہ ون ڈے انٹرنیشنل میچز 8، 10 اور 12 اگست کو شیڈول ہیں۔
پندرہ رکنی ٹی ٹوئنٹی ا سکواڈمیں (کپتان)سلمان علی آغا، حارث رؤف، حسن علی، شاہین شاہ آفریدی شامل جبکہ فہیم اشرف، فخر زمان، خوشدل شاہ، حسین طلعت، محمد نواز سکواڈ کا حصہ ہیں اورحسن نواز، صائم ایوب، ابرار احمد، صاحبزادہ فرحان ، محمد حارث اور سفیان مقیم 15 رکنی اسکواڈ میں شامل ہیں۔
16رکنی ون ڈےانٹرنیشنل اسکواڈمیں (کپتان )محمد رضوان، سلمان علی آغا، بابر اعظم، عبداللہ شفیق، فہیم اشرف ون ڈے انٹرنیشنل سکواڈ میں شامل جبکہ فخر زمان ، حسن علی، شاہین شاہ آفریدی، نسیم شاہ، صائم ایوب بھی سکواڈ کا حصہ ہیں۔ حسین طلعت، محمد نواز، حسن نواز، ابرار احمد، محمد حارث اورسفیان مقیم ٹیم میں شامل ہیں۔