ویمنزورلڈکپ2025:انعامی رقم میں بڑااضافہ،فائنل جیتنےوالی ٹیم کوکتنے پیسے ملیں گے؟

انٹرنیشنل کرکٹ کونسل (آئی سی سی) نے ویمنز ون ڈے ورلڈکپ 2025 کے لیے انعامی رقم میں تاریخی اضافہ کر دیا ہے۔
آئی سی سی کے مطابق اس بار ویمن ورلڈکپ کی مجموعی انعامی رقم 13.88 ملین ڈالر مقرر کی گئی ہے، جو گزشتہ ایڈیشن کے مقابلے میں 297 فیصد زیادہ ہے۔ورلڈکپ جیتنے والی ٹیم کو 4.48 ملین ڈالر دیے جائیں گے، جو 2022 میں دی گئی 1.32 ملین ڈالر کی رقم سے 239 فیصد زائد ہے۔
رنر اپ ٹیم کو 2.24 ملین ڈالر ملیں گے جبکہ سیمی فائنل میں شکست کھانے والی ہر ٹیم کو 1.12 ملین ڈالر دیے جائیں گے۔ورلڈکپ میں شریک ہر ٹیم کو شرکت کے لیے 2 لاکھ 50 ہزار ڈالر دیے جائیں گے۔گروپ مرحلے میں ہر میچ کی جیت پر 34 ہزار 314 ڈالر کا انعام رکھا گیا ہے۔اس کے علاوہ، پانچویں اور چھٹی پوزیشن حاصل کرنے والی ٹیموں کو 7 لاکھ ڈالر، جبکہ ساتویں اور آٹھویں پوزیشن پر آنے والی ٹیموں کو 2 لاکھ 80 ہزار ڈالر دیے جائیں گے۔
آئی سی سی ویمنز ون ڈے ورلڈکپ 30 ستمبر سے بھارت اور سری لنکا میں کھیلا جائے گا۔