ویمنز ورلڈ کپ:بنگلہ دیش کوشکست،سری لنکانےپہلی کامیابی حاصل کرلی

انٹرنیشنل کرکٹ کونسل (آئی سی سی )ویمنزورلڈکپ کے21ویں میچ میں سری لنکانےبنگلہ دیش کو7 رنزسےشکست دےکرایونٹ میں پہلی کامیابی حاصل کرلی۔
ممبئی میں کھیلے گئے آئی سی سی ویمنزورلڈکپ کے21ویں میچ میں بنگلہ دیش اورسری لنکا کی ٹیمیں مدمقابل تھیں، سری لنکا نے ٹاس جیت کر پہلے بیٹنگ کا فیصلہ کیا اور 48.4 اوورز میں 202 رنز بنائے۔ہدف کےتعاقب میں بنگلہ دیش کی ٹیم195رنزبناکرآؤٹ ہوگئی۔
سری لنکاکی جانب سے حسینہ پریرا 85 رنز کےساتھ نمایاں رہیں،جبکہ نکلشیکا سلوا 37 رنز بنا کرپویلین لوٹ گئیں، چماری اتھاپتو 46 رنز کی اننگزکھیل سکیں،تاہم دیگر کوئی کھلاڑی ڈبل فگر میں داخل نہ ہوسکیں۔
بنگلادیش کی جانب سے شورنا اختر نے تین کھلاڑیوں کو آؤٹ کیا، رابعہ خان نے دو وکٹیں حاصل کیں۔
بنگلہ دیش کی جانب سے کپتان نگار سلطان 77 رنزبناکرنمایاں رہیں جبکہ شرمین اختر کے 64 رنز بھی کسی کام نہ آئے۔
سری لنکا کی جانب سے چماری نے چار کھلاڑیوں کوپویلین کی راہ دکھائی جبکہ حسینہ پریرا کو میچ کا بہترین کھلاڑی قرار دیا گیا۔