ٹرمپ اورایلون میں لفظی گولہ باری سےٹیسلاکواربوں ڈالر کانقصان

امریکی صدرڈونلڈٹرمپ اورایلون مسک کےدرمیان لفظی گولہ باری سے ٹیسلا کو اربوں ڈالر کانقصان ہوا۔
غیرملکی خبرایجنسی کی رپورٹ کےمطابق امریکی صدرڈونلڈٹرمپ اورایلون مسک کےدرمیان تعلقات میں کشیدگی بڑھنےسےایکس پردونوں کےدرمیان شدید تکرارکاسلسلسہ جاری ہے۔
غیرملکی خبرایجنسی کےمطابق ڈونلڈٹرمپ نےکہاہےکہ ایلون مسک کی کمپنیوں کی سرکاری سبسڈی اور حکومتی معاہدےختم کرسکتےہیں،بجٹ میں اربوں ڈالر بچانے کاآسان طریقہ یہی ہےکہ ایلون مسک کی حکومتی مالی مددختم کردی جائے،الیکٹرک کاروں پرٹیکس کریڈٹ ختم کرنےپرایلون مسک حکومت سےالگ ہوئے۔
ٹرمپ نےمزیدکہاہےکہ الیکٹرک کاروں کی لازمی خریداری کاایلون مسک کامینڈیٹ ختم کردیاتھا،ایلون مسک اخراجات کےبل کی تفصیلات کواوول آفس سےزیادہ جانتےتھے،ایلون مسک بل پرتنقیدسےافسوس ہوا،تعلقات پہلے جیسےنہیں رہیں گے۔
دوسری جانب ٹیسلاکےسی ای اوایلون مسک نےامریکی صدرڈونلڈٹرمپ کےبیان کوناشکری قراردےدیا۔
غیرملکی میڈیاکےمطابق ایلون مسک نےکہاہےکہ میرےبغیرٹرمپ الیکشن ہار جاتے،اب بڑےانکشافات کاوقت آگیا،ٹرمپ کادعویٰ غلط ہےمیں اخراجات کےبل کی تفصیلات جانتاتھا،رات کےوقت بل عجلت میں پاس کیاگیاکہ کانگریس میں کوئی بھی اسےپڑھ نہیں سکا۔
اُنہوں نےمزیدکہاہےکہ ٹرمپ کانام اپیسٹین کی فائلوں میں ہے،اسی لئےپبلک نہیں کیاجارہا،ٹرمپ اورایلون مسک کےدرمیان لفظی جنگ سے ٹیسلاکے شیئرز15فیصدتک گرگئے۔