ٹوئٹر بندش کیس: عدالت نے فریقین سے جواب طلب کر لیا

لاہور:(پاکستان ٹوڈے) لاہور ہائیکورٹ کے جسٹس شاہد بلال حسن نے صحافی حافظ شاکر محمود کی جانب سے سوشل میڈیا ایپ ٹوئٹر کی بندش کے خلاف دائر متفرق درخواست پر سماعت کی۔

سوشل میڈیا ایپ ٹوئٹر بندش کیس میں فریقین سے 18 اپریل کو جواب طلب کر لیا۔ دوران سماعت درخواست گزار کی جانب سے ایڈووکیٹ اظہر صدیق نے دلائل دیئے۔ وکیل درخواست گزار نے کہا کہ 2 ماہ سے ٹوئٹر بند ہے، 17 فروری کے ایک نوٹیفکیشن کے مطابق وزارت داخلہ نے پی ٹی اے کو ٹوئٹر بند کرنے کی ہدایت کی تھی، وزارت داخلہ کو ٹوئٹر بند کرنے کا کوئی اختیار نہیں ہے۔