ٹک ٹاکرسحرحیات نےطلاق کےبارےمیں لب کشائی کردی

ٹک ٹاکرسحرحیات نے سمیع رشید کےساتھ طلاق کےبارےمیں لب کشائی کردی۔
حال ہی میں ٹک ٹاکر اور سوشل میڈیا انفلوئنسر سحر حیات نےفوٹواینڈویڈیوشیئرنگ ایپ انسٹاگرام پرسوال وجواب کےبارےمیں ایک سیشن رکھا جس میں انہوں نےاپنی ذاتی زندگی سےمتعلق بڑی تفصیل سےبات کی۔اس دوران ایک مداح نےسحرحیات سےشادی کےبارےمیں سوال کیاجس کےجواب میں ٹک ٹاکرنےکہاکہ سحرحیات اورسمیع رشید ایک ساتھ نہیں رہتےدونوں میں طلاق ہوچکی ہے،وہ اب ان کےسابق شوہرہیں۔ تاہم انہوں نے واضح کیا کہ ان کی بیٹی ایرہ کے والد وہی رہیں گے اور اس بارے میں کسی قسم کا شبہ نہیں ہونا چاہیے۔
سحر حیات نے مزید کہا کہ وہ اپنی بیٹی کو سکھائیں گی کہ والد اور والدہ دونوں کا احترام کرے۔ ٹک ٹاکر نے زور دیا کہ ایرہ کی اپنے والد سے ملاقات سے متعلق کسی کو نہیں روکا گیا، اور نہ ہی وہ کسی کو روکنے کا اختیار رکھتی ہیں۔
ٹک ٹاکر کے مطابق ایسے معاملات کا فیصلہ ذاتی خواہشات پر نہیں بلکہ پاکستان کے قانون کے مطابق ہونا چاہیے۔
انہوں نے مداحوں سے گزارش کی کہ اس ذاتی معاملے کو مزید زیر بحث نہ لایا جائے اور ان کی پروائیویسی کا خیال رکھا جائے کیونکہ سب کو ملکی قوانین کا علم ہے اور انہیں امید ہے کہ آئندہ اس موضوع پر بات نہیں کی جائے گی۔
واضح رہےکہ ٹک ٹاکرسحرحیات اورسمیع رشید کی شادی دسمبر2022میں ہوئی تھی دونوں کی ایک بیٹی بھی ہے جو اب سحر کیساتھ رہتی ہے۔