ٹیسلا کے روبوٹس کی مال میں خریداری کی ویڈیو نے تہلکہ مچا دیا

سائنس اینڈ ٹیکنالوجی کی دنیا میں انقلاب برپا،ٹیسلا کے روبوٹس کی مال میں خریداری کی ویڈیو نے تہلکہ مچا دیا ۔
سوشل میڈیا پر ایک ویڈیو وائرل ہے، جسے بہت دلچسپی سے دیکھا جا رہا ہے، جس میں روبوٹس ایک شاپنگ مال میں خریداری کرتے نظر آتے ہیں۔کلپ میں ایک لڑکی کو امریکا کے ایک شاپنگ سینٹر سے خریداری کرتے ہوئے دکھایا گیا اور دلچسپ بات یہ ہے کہ اس لڑکی کے پیچھے جدید ٹیسلا ’’آپٹیمس‘‘ روبوٹس کا ایک گروپ خریدا جانیوالا سامان لے کر جا رہا ہے۔
صارفین کی دلچسپی اس لیے بھی بڑھی کہ ویڈیو کے ساتھ بتایا گیا کہ یہ لڑکی دراصل امریکی ریئلٹی ٹی وی سٹار کم کارڈیشین کی اسسٹنٹ ہے، یہ دراصل ایک فیوچرسٹک ویڈیو ہے جس میں بتایا گیا ہے کہ مستقبل کی شکل کچھ یوں ہوگی، جبکہ دولت مند لوگوں کے سارے کام حتیٰ کے شاپنگ بھی ان کے مہنگے روبوٹس کریں گے۔
تقریباً ایک ہفتہ قبل کم کارڈیشین انسٹاگرام پر کچھ تصاویر شیئر کی تھیں جن میں وہ ٹیسلا روبوٹ آپٹیمس کے ساتھ ماڈلنگ کرتی نظر آئیں تھیں۔
ٹیسلا کے صدر ایلون مسک نے بھی حال ہی میں ایک ویڈیو کلپ پوسٹ کی ہے جس میں آٹومیکر کے آپٹیمس روبوٹ کو ٹینس بال پکڑتے ہوئے دکھایا گیا ہے۔
مسک کا کہنا ہے کہ ایک دن ہم انسان جیسا روبوٹک دوست حاصل کر لیں گے۔ ٹیسلا کے نئے روبوٹ آپٹیمس کی بڑے پیمانے پر پیداوار 2026 تک شروع ہونے کی امید ہے۔