ٹیکنالوجی انقلاب :چیٹ جی پی ٹی سکرین لیس فون کی تیاری میں اہم پیشرفت

ٹیکنالوجی کے شعبے میں انقلاب برپا،چیٹ جی پی ٹی سکرین لیس فون کی تیاری میں اہم پیشرفت ہوئی ہے۔
دی انفارمیشن کی رپورٹ کے مطابق سکرین لیس فون کسی روایتی فون جیسا نہیں ہوگا۔چیٹ جی پی ٹی تیار کرنےوالی کمپنی اوپن اے آئی نے ایپل کے سابق ڈیزائن چیف جونی آئیو اور اوپن اے آئی کے چیف ایگزیکٹو سام آلٹمین کی مشترکہ کمپنی آئی او پراڈکٹس کو خریدنے پر غور شروع کر دیا۔
اس کمپنی کو آرٹی فیشل انٹیلی جنس (اے آئی) ٹیکنالوجی پر مبنی منفرد ڈیوائسز بشمول سکرین لیس فون کی تیاری کیلئے قائم کیا گیا تھا۔جونی آئیو اور سام آلٹمین نے 2024 میں شراکت داری کی تھی اور ان کا بنیادی مقصد ایک وائس ایکٹیو اے آئی اسسٹنٹ کو تیار کرنا تھا۔رپورٹ میں بتایا گیا ہے کہ اس کمپنی کو خریدنے سے اوپن اے آئی کو نا صرف ٹیکنالوجی تک رسائی ملے گی، بلکہ وہ ماہرین کی ٹیم کو بھی ڈیوائس کی تیاری کا حصہ بنا سکے گی۔
ذہن نشین رہے کہ فروری 2025 میں ایک انٹرویو کے دوران سام آلٹمین نے عندیہ دیا تھا کہ اوپن اے آئی کی جانب سے سمارٹ فونز کے متبادل پر کام کیا جا رہا ہے۔انہوں نے کہا تھا کہ اوپن اے آئی کمپنی اسمارٹ فونز کے متبادل کے طور پر چیٹ جی پی ٹی ہارڈ وئیر ،آسان الفاظ میں ڈیوائسز تیار کرنا چاہتی ہے۔
اس ڈیوائس کو کب تک متعارف کروایا جائے گا اور یہ کب تک صارفین کو دستیاب ہوسکے گی؟ اس بارے میں ابھی کچھ نہیں بتایا گیاہے۔